شام میں دہشت گردوں کی سرگرمیاں اسلام دشمن ایجنڈے کا حصہ ہیں، رہبر معظم
فلسطین پر توجہ ہٹانے کے لیے تکفیری گروہوں کا دوبارہ فعال ہونا تشویشناک ہے
شیعیت نیوز : ایران کے سپریم لیڈر کی ویب سائٹ نے سوشل نیٹ ورک X پر ایک پوسٹ میں شام میں دہشت گرد گروہوں کے دوبارہ فعال ہونے کے بارے میں اپنے موقف کا اظہار کیا۔
رہبر انقلاب اسلامی ایران کی ویب سائٹ نے سوشل نیٹ ورک X پر ایک پوسٹ میں شام میں دہشت گرد گروہوں کے دوبارہ فعال ہونے کے بارے میں اپنے موقف کا اظہار کرتے ہوئے لکھا کہ ”تکفیری گروہ عالم اسلام کے دشمنوں کے لیے خوشخبری ہیں۔“
یہ بھی پڑھیں: اسرائیل اور مودی سرکار کا گٹھ جوڑ، عالمی سلامتی کے لیے نیا خطرہ
ایک ایسے وقت میں جب امت اسلامیہ کی تمام تر توجہ مسئلہ فلسطین پر ہے، یہ وہی ہیں جو صیہونی حکومت کی شیطانی خصلت پر توجہ دینے کے بجائے کسی اور طرف توجہ مبذول کر رہے ہیں۔
حالیہ دنوں میں بعض سیاسی اور بین الاقوامی شخصیات نے غزہ میں تقریباً 50 ہزار مسلمانوں کے قتل کا حوالہ دیتے ہوئے شام میں ان دہشت گردانہ کارروائیوں کے رونما ہونے کو امریکہ اور اسرائیل کی جانب سے شام میں مزاحمتی محاذ کو شامل کرنے اور فلسطین میں ہونے والے جرائم سے دنیا کی توجہ ہٹانے کا منصوبہ قرار دیا ہے۔
