امریکہ غنڈہ گردی کر رہا ہے، صیہونی حماقتوں کا سخت جواب دیا جائے گا: ایران

شیعیت نیوز : ایران کی قومی سلامتی کونسل کے ترجمان ابراہیم رضائی نے ازبکستان کے دورے کا حوالہ دیتے ہوئے کہا: ایران کے پارلیمانی وفد نے بین الپارلیمانی یونین کے 150ویں اجلاس کے موقع پر عمان کے اعلیٰ حکام سے ملاقات کی۔

اس ملاقات میں ایرانی پارلیمنٹ کے ڈپٹی اسپیکر رضا بابائی نے کہا کہ امریکہ تمام اقوام پر اپنی مرضی مسلط کرنے کی کوشش کر رہا ہے، جب کہ وہ کسی معاہدے کی پابندی نہیں کرتا۔

یہ بھی پڑھیں: ایرانی ایئر ڈیفنس کمانڈر کا انتباہ: دشمن کو ملے گا خوفناک سرپرائز

انہوں نے مزید کہا کہ ہماری براہِ راست مذاکرات کی مخالفت بھی JCPOA پر امریکیوں کی خلاف ورزی اور بداعتمادی کی وجہ سے ہے، اور بالواسطہ مذاکرات کا فیصلہ بھی امریکہ کی اسی غنڈہ گردی کا جواب ہے۔

رضا بابائی نے کہا کہ اسلامی جمہوریہ ایران خطے کی سلامتی کے لیے پرعزم ہے اور کشیدگی نہیں چاہتا، لیکن ہم یہ تنبیہ کرتے ہیں کہ امریکہ یا صیہونی رژیم کی کسی بھی حماقت کا سخت جواب دیا جائے گا۔

اس ملاقات میں بابائی نے صیہونی حکومت کے وحشیانہ جرائم اور غزہ میں جاری نسل کشی کی مذمت کی۔

انہوں نے مزید کہا کہ غزہ کے حوالے سے ایران اور عمان کا مؤقف یکساں ہے، تاہم غاصب رژیم کی جارحیت سے نمٹنے کے لیے ہم آہنگی کی ضرورت ہے۔