ترکیہ کی ریپبلکن پیپلز پارٹی نے اکرم امام اوغلو کو صدارتی امیدوار قرار دے دیا

شیعیت نیوز: ترکیہ کی ریپبلکن پیپلز پارٹی نے استانبول کے میئر اکرم امام اوغلو کی حراست کے بعد مظاہروں کے دوران انہیں اپنی پارٹی کی طرف سے صدارتی امیدوار بنانے کا اعلان کر دیا۔ پارٹی کی طرف سے صدارتی امیدوار کے لیے ہونے والے انتخابات میں اکرم امام اوغلو کو ایک کروڑ بتیس لاکھ گیارہ ہزار ووٹ ملے۔ انہیں صدارتی انتخابات میں ترکیہ کے صدر رجب طیب اردوغان کا سب سے اہم حریف سمجھا جا رہا ہے۔ اکرم امام اوغلو کو گزشتہ بدھ کو دہشت گردی کے الزام میں گرفتار کر لیا گیا تھا، جس کے بعد ترکیہ میں مظاہرے شروع ہو گئے۔

بھی پڑھیں: ٹرمپ کے خط کا جواب ابھی تک نہیں دیا، مناسب چینل کے ذریعے دیں گے، ایرانی وزیر خارجہ

اکرم امام اوغلو کے خلاف گرفتاری اور مقدمہ جیسے اقدامات کے باوجود، ترکیہ کے ایک کروڑ پچاس لاکھ ووٹروں میں سے ایک کروڑ تیس لاکھ سے زائد ووٹروں نے سن 2028 کے صدارتی انتخابات میں اکرم امام اوغلو کو صدارتی امیدوار بنائے جانے کی حمایت کی ہے۔