امریکی عوام میں صیہونی حکومت کی حمایت میں تاریخی کمی

شیعیت نیوز: میڈیا ذرائع کے مطابق، صیہونی محقق اور قلمکار شوقی فریڈ مین نے ایک مقالے میں امریکی عوام میں صیہونی حکومت کی حمایت میں شدید کمی کا جائزہ لیا ہے۔ اس صیہونی محقق نے لکھا ہے کہ اگرچہ امریکی صدر ڈونلڈ ٹرمپ صیہونی حکومت کی زیادہ حمایت کرتے ہیں، لیکن وائٹ ہاؤس کے باہر کی حقیقت کچھ اور ہے۔ یہ صیہونی قلمکار لکھتا ہے کہ امریکی عوام میں صیہونی حکومت کی حمایت میں کمی اور فلسطینیوں کی حمایت میں اضافہ ہوا ہے۔

یہ بھی پڑھیں: نیتن یاہو نے حماس سے شکست تسلیم کرنے والے فوجی افسر کو برطرف کردیا

صیہونی روزنامے معاریو کی رپورٹ کے مطابق، گیلپ سروے کے مطابق جو امریکا کا سروے کا معتبر ترین انسٹی ٹیوٹ سمجھا جاتا ہے، رواں سال میں امریکی عوام میں صیہونی حکومت کی حمایت کم ہو کر چھیالیس فیصد رہ گئی ہے، جو فلسطین کی دوسری انتفاضہ کے بعد گزشتہ چوبیس برس کی نچلی ترین سطح ہے۔ یہ ایسی حالت میں ہے کہ ریپبلکن کے درمیان صیہونی حکومت کی حمایت پچھتر فیصد ہے، جبکہ ڈیموکریٹ کے درمیان فلسطین کی حمایت انسٹھ فیصد بتائی جاتی ہے۔ ان لوگوں کا تناسب جو صیہونی حکومت کے ساتھ ہمدردی کا احساس کرتے ہیں، صرف اکیس فیصد رہ گیا ہے۔