ڈیرہ اسماعیل خان: سیکیورٹی فورسز کی کارروائی، 5 تکفیری دہشت گرد ہلاک
درابن میں ڈرون حملہ، تحریک طالبان کے دو اہم کمانڈر مارے گئے
شیعیت نیوز: ڈیرہ اسماعیل خان کی تحصیل درابن میں سیکیورٹی فورسز کی کارروائی میں 5 تکفیری خارجی دہشت گرد ہلاک ہوگئے۔ پانچوں دہشت گرد تحصیل درابن میں سپرکیرہ نالہ کے قریب ڈرون حملے میں مارے گئے۔
اطلاعات کے مطابق، ڈرون حملہ اس وقت کیا گیا جب کالعدم تحریک طالبان عصمت اللہ شاہین گروپ کے تکفیری دہشت گردوں کی تشکیل جاری تھی۔
یہ بھی پڑھیں : امریکہ کی روس کو نئی دھمکی: پابندیاں یا ممکنہ فوجی کارروائی؟
ڈرون حملے میں فتنہ الخواج تحریک طالبان پاکستان کے دو اہم تکفیری کمانڈروں سمیت پانچ دہشت گرد واصلِ جہنم ہو گئے۔ ہلاک ہونے والوں میں ٹی ٹی پی کے اہم کمانڈر شاہ گل المعروف روحانی کوچی، اہم کمانڈر دلبر ڈوٹانی اور تین دیگر خارجی دہشت گرد شامل ہیں۔
تکفیری خارجی دہشت گرد بم دھماکوں، پولیس ٹارگٹ کلنگ، سیکیورٹی فورسز پر حملوں سمیت متعدد دہشت گردانہ کارروائیوں میں ملوث تھے۔
