فلسطین پر غاصبانہ قبضے کا خواب کبھی حقیقت نہیں بن سکتا، علامہ مقصود ڈومکی
علامہ مقصود ڈومکی نے کہا کہ شہداء نے اپنے پاکیزہ خون کے ذریعے عصر حاضر کے فرعون اور ہامان کا مقابلہ کیا اور وقت کے فرعون کو شکست دی
شیعیت نیوز : مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ فلسطین اور غزہ کے مجاہدین اور شہداء نے امت مسلمہ کو متحد، انسانیت کو بیدار اور اسرائیل و امریکہ کے مکروہ چہرے کو دنیا کے سامنے بے نقاب کیا۔
ان خیالات کا اظہار انہوں نے اصغریہ اسٹوڈنٹس آرگنائزیشن پاکستان کے زیر اہتمام مسجد و امام بارگاہ قصر عباس علیہ السلام گڑھی خیرو میں منعقدہ شہدائے مقاومت کانفرنس سے خطاب کرتے ہوئے کیا۔
اس موقع پر کانفرنس سے خطاب کرتے ہوئے علامہ مقصود علی ڈومکی نے کہا کہ شہدائے مقاومت نے اپنے پاکیزہ خون کے ذریعے عصر حاضر کے فرعون اور ہامان کا مقابلہ کیا اور بے سروسامانی کے عالم میں وقت کی ظالم اور جابر قوتوں کو عبرت ناک شکست دی۔
فلسطین اور غزہ کے مجاہدین اور شہداء نے امت مسلمہ کو متحد اور انسانیت کو بیدار کیا۔
انہوں نے اسرائیل اور امریکہ کے مکروہ چہرے کو دنیا کے سامنے بے نقاب کیا۔
آج دنیا بھر میں پاکیزہ فطرت کے حامل آزاد منش انسان امریکی اور اسرائیلی ظلم اور بربریت کے خلاف سراپا احتجاج بنے ہوئے ہیں۔
یہ بھی پڑھیں : پاک ایران تعلقات مستحکم ہیں، اسپیکر پنجاب اسمبلی
ہر گزرتے دن کے ساتھ امریکہ اور اسرائیل کا مکروہ چہرہ دنیا کے سامنے مزید اشکار ہوتا چلا جائے گا۔
انہوں نے کہا کہ غزہ پر قبضے کا ٹرمپ کا خواب کبھی شرمندہ تعبیر نہیں ہوگا۔
فلسطین کے وارثان شہداء غزہ کے ایک ایک انچ کی حفاظت کریں گے۔
دنیا بھر کے آزاد انسان آج بھی تحریک آزادی فلسطین کے ساتھ کھڑے ہیں۔
فلسطین پر غاصبانہ قبضے کا خواب کبھی حقیقت نہیں بن سکتا۔
اس موقع پر خطاب کرتے ہوئے عبدالرزاق بلوچ نے کہا کہ رہبر معظم کی قیادت میں پوری دنیا کے صالحین قبلہ اول کی آزادی کے لئے متحد ہو چکے ہیں۔
