کراچی میں سیکورٹی ادارے کا عادل نامی جعلی میجر گرفتار

شیعیت نیوز : شہر قائد میں ڈسٹرکٹ ایسٹ پولیس نے انٹیلیجنس بیسڈ پر کارروائی کرتے ہوئے قانون نافذ کرنے والے ادارے کا جعلی میجر گرفتار کرلیا۔

ترجمان ایس ایس پی ایسٹ کے مطابق سچل پولیس نے سعدی ٹاؤن اسکیم 33 میں کارروائی کرتے ہوئے جعلی میجر عادل کو گرفتار کرلیا۔

ملزم سے قانون نافذ کرنے والے ادارے کی وردیاں، رینکس، شوز، جعلی آئی ڈی کارڈ و دیگر جعلی دستاویزات برآمد کی گئیں۔

یہ بھی پڑھیں : عزاداری سید الشہداء پر کوئی سمجھوتہ قابل قبول نہیں، علامہ سید علی اکبر کاظمی

ملزم شہر کے مختلف علاقوں میں قانون نافذ کرنے والے ادارے کی وردی پہن کر لوگوں کو ہراساں کرتا تھا۔

گرفتار ملزم کے خلاف مقدمہ درج کر لیا گیا ہے۔

ملزم کو تفتیشی حکام کے حوالے کر دیا گیا ہے، جبکہ گرفتار ملزم کا سابقہ کرمنل ریکارڈ بھی چیک کیا جا رہا ہے۔