حضرت علی علیہ السلام کی ولادت پر ایرانی صدر کا بے سہارا بچوں کے مراکز کا دورہ

شیعیت نیوز: مہر خبررساں ایجنسی کے مطابق، صدر مسعود پزشکیان نے حضرت علی علیہ السلام کی ولادت باسعادت اور روز پدر کی مناسبت سے بے سرپرست بچوں کے مراکز کا دورہ کیا۔

انہوں نے اس دورے کے دوران "خانه بهشت” کا معائنہ کیا، جو 15 سال سے کم عمر بچوں کے لیے مخصوص ہے اور اسے شہداء کے اہل خانہ چلاتے ہیں۔ انہوں نے بے سرپرست بچوں اور نوجوانوں کو ہنر سکھانے اور معاشی طور پر خودمختار بنانے کے مرکز کا بھی دورہ کیا، جو 15 سے 18 سال کے نوجوانوں کے لیے مخصوص ہے۔

یہ بھی پڑھیں: قم میں اعتکاف شروع، 27 ہزار سے زائد افراد کی شرکت

مراکز میں زیر تربیت بچوں اور نوجوانوں نے پزشکیان کو "یوم پدر” کی مبارکباد دی اور حضرت علی علیہ السلام کی ولادت کی خوشی میں منقبت پیش کی۔

اس موقع پر صدر پزشکیان نے ان بچوں اور نوجوانوں کے ساتھ گفتگو کی اور ان کی تعلیم، صحت اور دیگر ضروریات کے بارے میں معلومات حاصل کیں۔

دونوں مراکز کے ذمہ داروں نے اپنی سرگرمیوں اور بچوں کی صلاحیتوں کے بارے میں صدر پزشکیان کو بریفنگ دی۔ اس موقع پر صدر پزشکیان نے وزیر برائے محنت اور اجتماعی فلاح و بہبود کو ان مراکز کی ضروریات پوری کرنے کی خصوصی ہدایات دیں۔