یمنی فوج کا بحیرہ احمر میں امریکی بحری جہاز پر حملہ

شیعیت نیوز: یمنی فوج نے بحیرہ احمر میں امریکی بحری جہازوں کے خلاف کارروائی کا دعوی کیا ہے۔

یمنی مسلح افواج کے ترجمان میجر جنرل یحیی سریع کے مطابق، یمنی افواج نے بحیرہ احمر کے شمال میں ایک امریکی طیارہ بردار جہاز کو نشانہ بنایا ہے۔ یہ کارروائی دو میزائلوں اور چار ڈرون طیاروں کے ذریعے کی گئی۔

یحیی سریع نے بتایا کہ یہ حملہ امریکی طیارہ بردار جہاز "ٹرمین” کے خلاف کیا گیا۔

یہ بھی پڑھیں: شہداء کا خون مقاومت کی اصل طاقت ہے، سید عباس عراقچی

ترجمان کے مطابق، یمنی فوج نے فلسطین کی حمایت میں عسقلان کے علاقے میں صہیونی تنصیبات کو ایک ڈرون حملے کے ذریعے کامیابی سے نشانہ بنایا۔ اس کے ساتھ ساتھ تل ابیب (یافا) میں ایک دفاعی مرکز کو بھی ڈرون کے ذریعے ہدف بنایا گیا۔

یحیی سریع نے مزید کہا کہ غزہ اور فلسطینی عوام کے لیے حمایت جاری رہے گی، اور صہیونی حکومت کی تنصیبات پر حملے تسلسل سے کیے جائیں گے۔