ایم ڈبلیو ایم کراچی کے رہنما علامہ مبشر حسن کا تعلیم دشمنی کے خاتمے کا مطالبہ

شیعیت نیوز: مجلس وحدت مسلمین پاکستان کراچی ڈویژن کے سیکریٹری سیاسیات علامہ مبشر حسن نے کہا ہے کہ وفاقی اور صوبائی حکومت مادرِ علمی جامعہ کراچی کے طلبا و طالبات کے ساتھ تعلیم دشمنی بند کرے۔

ایک بیان میں ایم ڈبلیو ایم رہنما نے کہا کہ طلباء الائنس کے مطالبات پر فوری طور پر عملدرآمد کیا جائے، کرپٹ حکمرانوں نے غریب طلبا و طالبات کے لیے تعلیم کا حصول ناممکن بنا دیا ہے۔

یہ بھی پڑھیں: فرقہ واریت کے خاتمے پر زور، علامہ شبیر میثمی کی مولانا عبدالخبیر آزاد سے ملاقات

ایم ڈبلیو ایم کراچی ڈویژن کے سیکریٹری سیاسیات علامہ مبشر حسن نے مزید کہا کہ مجلس وحدت مسلمین پاکستان کراچی ڈویژن طلباء الائنس کے مطالبات کو ہر فورم پر اٹھائے گی۔