اہم ترین خبریںپاکستان

ایم ڈبلیو ایم کی محنت رنگ لائی، شام میں پھنسے پاکستانی زائرین لبنان پہنچ گئے

ایم ڈبلیو ایم پاکستان کے پارلیمانی لیڈر و ممبر قومی اسمبلی انجینئر حمید حسین کی کاوشوں سے شام میں پھنسے زائرین لبنان پہنچ گئے ہیں

شیعیت نیوز : مجلس وحدت مسلیمین پاکستان کے پارلیمانی لیڈر و ممبر قومی اسمبلی انجینئر حمید حسین کی کاوشوں سے شام میں پھنسے 245 زائرین سمیت 350 پاکستانی زمینی راستے سے بحفاظت لبنان پہنچ گئے ہیں۔

انجینئر حمید حسین نے گزشتہ روز ترجمان دفترِ خارجہ ممتاز زہراء بلوچ سے شام میں پھنسے زائرین سمیت 1200 پاکستانیوں کی جلد وطن واپسی کے لیے ملاقات کی تھی۔

ملاقات میں ترجمان دفتر خارجہ نے بتایا تھا کہ حکومت پاکستان شام میں پھنسے پاکستانیوں کو بحفاظت وطن واپسی کے لیے اقدامات کر رہی ہے۔

یہ بھی پڑھیں : رہنما ایم ڈبلیو ایم بلوچستان کا ایم ڈبلیو ایم جنوبی پنجاب سیکرٹریٹ کا دورہ

دمشق میں پاکستانی سفارت خانے نے ہم وطنوں کو پاکستان واپسی کے عمل میں سہولت فراہم کی۔

اس کے علاوہ شام میں ڈپٹی ہیڈ آف مشن عمر حیات پاکستانی شہریوں کے ہمراہ شام لبنان سرحد تک گئے۔

لبنان میں پاکستانی سفارت خانے کے ڈی ایچ ایم نواب عادل نے لبنان پہنچنے پر ان پاکستانیوں کا استقبال کیا۔

ترجمان دفترِ خارجہ نے بتایا کہ ان شاءاللہ جلد از جلد تمام پاکستانیوں کو بذریعہ ہوائی جہاز پاکستان منتقل کر دیا جائے گا۔

متعلقہ مضامین

Back to top button