اہم سرکاری عمارت پر حملے کا منصوبہ ناکام! لاہور سے کالعدم لشکر جھنگوی کے 34دہشت گرد گرفتار
سی ٹی ڈی ترجمان نے بتایا کہ مختلف کالعدم تنظیموں کے 11 خطرناک دہشت گرد بھی گرفتار کیے گئے، جن کے قبضے سے دھماکہ خیز مواد اور خودکش جیکٹ بنانے کا سامان برآمد ہوا، یہ دہشت گرد لاہور میں ایک سرکاری عمارت کو نشانہ بنانا چاہتے تھے۔
شیعیت نیوز: صوبہ پنجاب کے دارالحکومت لاہور میں سرکاری عمارت کو نشانہ بنانے کا منصوبہ ناکام بنادیا گیا۔ تفصیلات کے مطابق دہشت گردی کے خدشات کے پیش نظر کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف شہروں میں 242 آئی بی آپریشنز کے دوران 34 دہشت گردوں کو گرفتار کر لیا۔
اس ضمن میں لاہور، بہاولنگر، گجرانوالا، فیصل آباد اور راولپنڈی میں کارروائیاں کی گئیں، سی ٹی ڈی نے سرگودھا، چکوال، جہلم، گجرات اور رحیم یارخان میں بھی کارروائیاں کیں۔
سی ٹی ڈی ترجمان نے بتایا کہ مختلف کالعدم تنظیموں کے 11 خطرناک دہشت گرد بھی گرفتار کیے گئے، جن کے قبضے سے دھماکہ خیز مواد اور خودکش جیکٹ بنانے کا سامان برآمد ہوا، یہ دہشت گرد لاہور میں ایک سرکاری عمارت کو نشانہ بنانا چاہتے تھے۔
یہ بھی پڑھئیے:ساہیوال:کالعدم لشکر جھنگوی کےدہشت گرد وحید اللہ پٹھان کو 31 سال قیدکی سزا
ادھر خیبرپختونخواہ میں مالاکنڈ کے علاقے پلئی شاہ کوٹ میں کاؤنٹر ٹیرر ازم ڈیپارٹمنٹ (سی ٹی ڈی) اور دہشت گردوں میں جھڑپ کے دوران 4 دہشت گرد مارے گئے، ذرائع نے بتایا کہ سی ٹی ڈی اور دہشت گردوں کے درمیان کئی گھنٹوں تک فائرنگ کا تبادلہ ہوا، جس میں 3 دہشت گرد موقع پر ہی مارے گئے، تاہم اس دوران ایک دہشت گرد پہاڑی سلسلے میں فرار ہوگیا جس کی گرفتاری کیلئے رات بھر سرچ آپریشن کیا گیا۔
سی ٹی ڈی ذرائع کا کہنا ہے کہ صبح سویرے ظلم کوٹ کے مقام پر سکیورتی فورسز کے جوانوں کے ساتھ اس فرار دہشت گرد کی جھڑپ ہوئی، اس دوران وہ مارا گیا اور فورسز نے علاقے کو کلیئر کیا، جس کے بعد دہشت گردوں کی لاشیں ڈی ایچ کیو ہسپتال بٹ خیلہ منتقل کی گئیں، دہشت گرد گروپ قتل وغارت گری اور بھتے کی بیشتر وارداتوں میں مطلوب تھا۔
