آئی ایس او جامعہ پنجاب کا شہداء پارہ چنار کی یاد میں چراغاں اور مظاہرہ
پاراچنار میں جب مظلوم شیعہ کو نشانہ بنایا جاتا ہےتو کوئی بولتا نہیں، جب ردعمل میں دہشتگردوں کیخلاف جوابی کارروائی ہوتی ہے تو پورے ملک کی مشینری حرکت میں آ جاتی ہے
شیعیت نیوز : لاہور کی تاریخی درس گاہ جامعہ پنجاب میں امامیہ سٹوڈنٹس آرگنائزیشن پاکستان کے کارکنوں نے سانحہ کرم کیخلاف احتجاجی مظاہرہ کیا اور شہدائے پارا چنار کی یاد میں چراغاں کیا گیا۔
اس موقع پر کارکنوں کی بڑی تعداد موجود تھی۔
کارکنوں نے دہشت گردی کیخلاف نعرے بازی بھی کی۔
مظاہرین کا کہنا تھا کہ کے پی حکومت کی غفلت اور اداروں کے غیر ذمہ دارانہ رویے کے باعث یہ سانحہ پیش آیا۔
ہمیشہ پارا چنار کے مظلوم عوام کو ہی ٹارگٹ کیا گیا ہے، حکومت کو دہشت گردی کے خاتمے کیلئے ٹھوس اقدامات کرنا ہوں گے۔
یہ بھی پڑھیں : کرم میں درجنوں افراد کا قتل حکومت کی کارکردگی پر سوالیہ نشان ہے، لیاقت بلوچ
مظاہرین سے خطاب کرتے ہوئے آغا اسد عباس نقوی نے کہا کہ پاکستان سمیت دنیا بھر میں سانحہ پارا چنار کی مذمت کی جا رہی ہے۔
اس میں پاکستان کے شیعہ تو سراپا احتجاج ہیں ہی، اب تو غیر ملکی اور غیر مسلم بھی پارا چنار میں جاری نسل کشی کیخلاف سراپا احتجاج ہیں۔
کے پی کے حکومت کو احتجاجی دھرنوں سے ہی فرصت نہیں، پاراچنار میں جب مظلوم شیعہ کو نشانہ بنایا جاتا ہےتو کوئی بولتا نہیں۔
جب ردعمل میں دہشتگردوں کیخلاف جوابی کارروائی ہوتی ہے تو پورے ملک کی مشینری حرکت میں آ جاتی ہے۔
شیعہ نسل کشی کیخلاف ہمارے پرنٹ اور الیکٹرانک کا کردار بھی جانبدارنہ ہے، جس کی مذمت کرتے ہیں۔
