نیتن یاہو حکومت غزہ میں نسل کشی پر صیہونی پارلیمنٹ رکن نے انتہا پسند قرار دے دیا
12 نومبر, 2024 15:46
شیعیت نیوز: فلسطین الیوم کے مطابق، اسرائیلی پارلیمنٹ (کنیسٹ) کے رکن عوفر کیسیو نے نیتن یاہو حکومت کو غزہ میں فلسطینیوں کی نسل کشی اور جنگی جرائم کی وجہ سے انتہا پسند حکومت قرار دیا ہے۔
واضح رہے کہ کنیسٹ میں عرب پارٹی الجبهہ کے واحد یہودی رکن، عوفر کیسیو، اسرائیل کے خلاف جنوبی افریقہ کی جانب سے عالمی فوجداری عدالت میں شکایت کی حمایت کرنے کی وجہ سے صیہونی حکام کے غیض و غضب کا شکار ہیں۔
یہ بھی پڑھیں: لبنان پر اسرائیلی حملے، 200 بچوں کی شہادت اور 3,243 شہری شہید
عوفر کیسیو نے کہا کہ مجھے پارلیمنٹ کے اجلاسوں میں شرکت سے روکنے کا فیصلہ بالکل توقع کے مطابق تھا، لیکن میں اسرائیلی حکومت کے غیر قانونی اقدامات کو بے نقاب کرنے سے کبھی پیچھے نہیں ہٹوں گا۔
اسرائیلی چینل 12 کی رپورٹ کے مطابق، کنیسٹ کے اس رکن نے جنوبی افریقہ کی شکایت کی حمایت کرتے ہوئے کہا کہ میں فلسطین میں ہونے والے جنگی جرائم اور نسل کشی کے حوالے سے بین الاقوامی فوجداری عدالت کے پراسیکیوٹر کی جانب سے نیتن یاہو اور یوا گیلانت کی گرفتاری کے فیصلے کی مکمل حمایت کرتا ہوں۔
