حماس کے عسکری ونگ القاسم بریگیڈ کے کمانڈر کی شہادت کی خبر محض افواہ

شیعیت نیوز : فلسطین کی مقاومتی تحریک "حماس” نے ایک بیان میں اعلان کیا کہ ہمارے عسکری ونگ "القسام بریگیڈ” کے کمانڈر "محمد الضیف” کی شہادت کے حوالے سے جو کچھ لندن سے نشر ہونے والے اخبار الشرق الاوسط نے لکھا ہے اس میں کوئی صداقت نہیں۔

ہم ایک بار پھر صحافتی اداروں سے کہتے ہیں کہ وہ درستگی، معیار اور پیشہ ورانہ مہارت کو اپنے روزمرہ کا معمول بنائیں۔

صیہونی فوج نے جنگ میں ناکامی کے دباؤ سے نکلنے کے لئے غزہ کی پٹی میں ایک کارروائی کے دوران محمد الضیف کی شہادت کا دعویٰ کیا تھا۔

تاہم گزشتہ ماہ حماس کے سینئر رہنماء "اسامہ حمدان” نے اس دعوے کو مسترد کرتے ہوئے کہا کہ اس طرح کی خبروں میں کوئی صداقت نہیں اور محمد الضیف بالکل تندرست ہیں۔

یہ بھی پڑھیں : دہشت گرد نسلی بنیادوں پر نسلی فسادات کروانا چاہتے ہیں، علامہ علی اکبر کاظمی

اسامہ حمدان نے صراحت کے ساتھ کہا کہ محمد الضیف کو مارنے کے حوالے سے صیہونی فوج کا دعویٰ، المواصی پر بمباری اور قتل عام کے لئے جواز گھڑنے کی وجہ سے تھا۔

حالانکہ قبل ازیں اسرائیل نے اس علاقے کو محفوظ قرار دیا تھا۔

صیہونی رژیم نے دعویٰ کیا تھا کہ غزہ کی پٹی کے مغربی علاقے خان یونس کے قصبے المواصی میں بمباری کی وجہ سے محمد الضیف مارے گئے۔

دلچسپ بات یہ ہے کہ اسرائیل، 13 جولائی سے پہلے بھی غزہ میں ایک آپریشن کے دوران محمد الضیف کو مارنے کا اعلان کر چکا ہے۔