لبنان پر اسرائیل کے حملے بین الاقوامی قوانین کی خلاف ورزی ہیں، اقوام متحدہ

شیعیت نیوز: اقوام متحدہ کے پناہ گزینوں کے ادارے کے سربراہ فلیپو گرانڈی نے لبنان پر اسرائیل کے حملوں کو بین الاقوامی قوانین کی خلاف ورزی قرار دیتے ہوئے اس کی مذمت کیے بغیر کہا کہ یہ اقدامات انسانی حقوق کی پاسداری کے خلاف ہیں۔ لبنان کا دورہ کرنے والے گرانڈی نے وزیراعظم نجیب میقاتی اور دیگر عہدیداروں سے ملاقات کی تاکہ صیہونی حکومت کے حملوں کی وجہ سے بے گھر ہونے والے لوگوں کی امداد فراہم کرنے کے طریقوں کا جائزہ لیا جا سکے۔

یہ بھی پڑھیں:شہید مقاومت سید حسن نصر اللہ کو لبنان کے شہر ضاحیہ میں سپردخاک کیا جائے گا

گرانڈی نے اس بات پر زور دیا کہ بے گھر ہونے والے لوگوں کے حقوق کا تحفظ ضروری ہے اور بین الاقوامی برادری کو ان کی مدد کے لیے اقدامات کرنے چاہئیں۔ لبنان کی صورتحال پر تشویش کا اظہار کرتے ہوئے انہوں نے کہا کہ اسرائیلی حملوں کے نتیجے میں متاثرہ افراد کو فوری امداد کی ضرورت ہے۔