ایران ناصرف شیعوں اور مسلمانوں بلکہ دنیا بھر کے مظلوموں کا محافظ ہے، سید حسینی

شیعیت  نیوز : جامعہ مدرسین حوزہ علمیہ قم کے سربراہ آیت اللہ سید ہاشم حسینی بوشہری نے مالی کے ایک شیعہ رہنما کے ساتھ ملاقات میں دیگر ممالک میں مکتب اسلام اور اہل بیت (ع) کے فروغ پر خوشی کا اظہار کیا۔

کہا کہ جب بھی آپ جیسے افراد کو دیکھتا ہوں کہ جو حوزہ علمیہ قم سے رابطہ میں تھے اور آج ان پر اپنے ملک کے لوگوں کا بھی اعتماد ہے۔

انہوں نے اسلام اور مکتب اہل بیت علیہم السلام کا علم بلند کر رکھا ہے، تو یہ چیز ہمارے لیے باعث افتخار بنتی ہے۔

پیغمبر اکرم صلی اللہ علیہ وآلہ وسلم نے اپنے طرز عمل اور اخلاق سے ہی اسلام کے پھیلانے میں کامیاب ہوئے۔

"وَلَو کُنتَ فَظًّا غَلِیظَ ٱلقَلبِ لَٱنفَضُّواْ مِن حَولِکَ” یعنی (اے رسول(ص) یہ اللہ کی بہت بڑی مہربانی ہے کہ تم ان لوگوں کے لیے اتنے نرم مزاج ہو) "ورنہ اگر تم درشت مزاج اور سنگدل ہوتے تو یہ سب آپ کے گرد و پیش سے منتشر ہو جاتے”۔”

یہ بھی پڑھیں : دنیا بھر میں فلسطینیوں کے حق میں مظاہرے جاری

اس لیے آپ بھی اپنے ملک میں اخلاقیات کے ساتھ اہل بیت علیہم السلام کی تفکر اور معارف کو پھیلائیں۔

امام رضا علیہ السلام فرماتے ہیں "اگر لوگ ہماری کلام کی فضیلت کو جان لیتے تو ہماری پیروی کرتے”۔

لہٰذا بولنے سے پہلے ہمیں اپنے طرز عمل سے لوگوں کے سامنے دین کا تعارف کرانا چاہیے۔

ایران دنیا بھر میں اسلام کی پہچان ہے اور ہر کوئی جانتا ہے کہ ایران مظلوموں کا دفاع کرتا ہے۔

انہوں نے جامعہ مدرسین حوزہ علمیہ قم کے سربراہ کی خدمت میں مالی کے شیعوں کی وضعیت اور ایران کے اسرائیل پر حملے سے اس ملک سمیت دنیا بھر کے مسلمانوں کی خوشی اور مسرت پر مبنی رپورٹ بھی پیش کی۔