سانحہ کرمان پر ایران میں عام سوگ کا اعلان

شیعیت نیوز : خبر رساں ایجنسی کی رپورٹ کے مطابق اسلامی جمہوریہ ایران کی حکومت نے کرمان میں دہشتگردانہ حملے اور بڑے پیمانے پر انسانی جانوں کے ضیاع پر کل بروز جمعرات پورے ایران میں عام سوگ کا اعلان کیا ہے۔

واضح رہے کہ آج ایران کے مقامی وقت کے مطابق دوپہر 14:50 اور 15:17 پر دو دہشت گرد دھماکے ہوئے پہلا دھماکہ شہید قاسم سلیمانی کے مزار سے 700 میٹر کے فاصلے پر ہوا اور دوسرا دھماکہ مزار سے ایک کلومیٹر دور اور زائرین کے راستے اور چوکیوں کے باہر ہوا، ہونے والے دہشتگرانہ دھماکوں میں اب تک 103 شہید اور 211 زخمی ہوئے ہیں ۔

یہ بھی پڑھیں :اسرائیل نے اپنے 250 فوجیوں کو ملازمت سے نکال دیا

بہت سے زخمیوں کی حالت تشویشناک ہے جس سے شہداء کی تعداد میں اضافہ ہونے کا خدشہ پایا جاتا ہے۔

واضح رہے کہ آج بدھ 3 جنوری 2024 کی تاریخ ایران کی سپاہ پاسداران انقلاب اسلامی کی قدس فورس کے شہید کمانڈر جنرل قاسم سلیمانی کی چوتھی برسی ہے۔