غزہ فتح کے راستے پر گامزن ہے، صیہونی حکومت کا خاتمہ کوئی مشکل کام نہیں، میجر سلامی

شیعیت نیوز: سپاہ پاسداران انقلاب اسلامی کے کمانڈر میجر سلامی نے طوفان الاقصی آپریشن کو برطانیہ، امریکہ، فرانس اور صیہونی حکومت کی جانب سے روا رکھے جانے والے 100 سالہ جبر کا نتیجہ قرار دیا ہے۔

تہران کے انقلاب اسکوائر پر فلسطینیوں کی حمایت میں ہونے والے بڑے عوامی اجتماع سے خطاب کرتے ہوئے میجر جنرل حسین سلامی کا کہنا تھا کہ طوفان الاقصی آپریشن میں جو کچھ ہوا وہ 100 سال پہلے برطانیہ، امریکہ، فرانس اور صیہونی حکومت کے اس ظلم و جبر کا نتیجہ ہے جس نے پچھلے 75 برس سے فلسطینیوں کو ان کی سرزمین سے محروم کر دیا۔

ان کا اشارہ 1917 کے اعلان بالفور کی جانب تھا جس کے تحت حکومت برطانیہ نے سرزمین فلسطین میں ایک صیہونی ریاست کے قیام کا اعلان کیا تھا۔

میجر جنرل پاسدار حسین سلامی کا کہنا تھا کہ پہلی جنگ عظیم کے بعد جب مشرقی بحیرہ روم اور شامات کو برطانیہ اور فرانس کی سرپرستی میں دیا گيا تب برطانوی حکومت کے اس وقت کے وزیر خارجہ بالفور نے ایک اعلامیے کے ذریعے صہیونیوں کے فلسطینی علاقوں میں منتقل کرنے کا راستہ ہموار کیا۔

یہ بھی پڑھیں : باہمت اقوام اور فلسطینی شہداء کے خون سے ایک منصفانہ عالمی نظام قائم ہو گا، صدر ایران

انہوں نے کہا کہ حکومت برطانیہ نے فلسطین کی سرزمین چھین کر صہیونیوں کو دے دی ہے اوراس کے بعد خطرناک اور تباہ کن واقعات رونما ہوئے اور صیہونیوں نے 1948 میں دیر یاسین میں پہلا قتل عام کیا اور 100 سے زائد فلسطینوں کو شہید کردیا تھا۔

1956 میں کفر قاسم قصبے میں قتل ہوا اور کھیتوں سے واپس آنے والے فلسطینی مردوں اور جوانوں کو ان کی ماؤں بہنوں اور بیویوں کے سامنے قتل کردیا گيا۔

میجر جنرل سلامی کا کہنا تھا کہ اہم بات یہ ہے کہ فلسطینیوں نے کبھی بھی امریکہ اور صیہونی حکومت کی پالیسیوں کو قبول نہیں کیا اور مزاحمت کرتے رہے۔

انہوں نے کہا کہ آج فلسطینی جوانوں نے ایک نا دکھائی دینے والی جنگ کا غزہ میں آغاز کردیا ہے۔ وہ صیہونیوں کو دیکھ رہے ہیں مگر صیہونی ان کو نہیں دیکھ پا رہے اور اپنے سائے سے بھی خوف کھا رہے ہیں۔

میجر جنرل سلامی نے کہا کہ غزہ فتح کی راہ پر گامزن ہے اور حماس و جہاد اسلامی کے جوان بہت جلد صیہونی دشمن پر غلبہ پانے میں کامیاب ہوجائیں گے۔