آپ نے ہمارا سر فخر سے بلند کر دیا! انصار اللہ کا عراقی مزاحمتی فورسز کو خراج تحسین
شیعیت نیوز: یمن کی تحریک انصار اللہ کے سیاسی دفتر کے ایک رکن نے غاصب صیہونی حکومت کے ساتھ جنگ میں عراقی مزاحمتی فورسز کی باضابطہ انٹری کا خیرمقدم کرتے ہوئے اسے سراہا۔
رپورٹ کے مطابق یمن کی تحریک انصار اللہ کے سیاسی دفتر کے رکن محمد البخیتی نے مقبوضہ علاقوں میں عراقی مزاحمتی فورسز کے پہلے آپریشن کا خیر مقدم کیا ہے۔
یہ بھی پڑھیں : ریپبلیکن اراکین صدر جوبائیڈن کو سینیٹ میں طلب کرنے کے خواہاں
انہوں نے سوشل پلیٹ فارم ایکس پر مقبوضہ علاقوں میں عراق کی اسلامی مزاحمتی فورسز کے پہلے آپریشن اور قابض حکومت کے خلاف جنگ میں باضابطہ شمولیت کے جواب میں لکھا کہ ’’امریکہ جس چیز سے شدید خوفزدہ ہے وہ جنگ کے دائرہ کار کا بڑھ جانا ہے ۔ آپ کا شکریہ اے عراق کی غیور ملت، آپ نے ہمارا سر فخر سے بلند کردیا‘‘۔
واضح رہے کہ غزہ کی پٹی میں صیہونی حکومت کے جرائم میں اضافے کے ساتھ ہی کل جمعرات کی شام عراقی اسلامی مزاحمتی فورسز نے ایک بیان جاری کرتے ہوئے اعلان کیا کہ "ہم نے بحیرہ مردار کے ساحل پر صیہونی حکومت کے اہم اہداف کو نشانہ بنایا۔
فلسطین کی حالیہ جنگ کے دوران یہ پہلا موقع ہے کہ عراقی مزاحمتی گروہ مقبوضہ علاقوں میں صیہونی حکومت کے ٹھکانوں کو نشانہ بنا رہے ہیں۔
