اسرائیل غزہ میں ہر 7 منٹ میں ایک بچے کو قتل کرتا ہے، یورو-میڈیٹیرینین ہیومن رائٹس
شیعیت نیوز: انسانی حقوق کی ایک بین الاقوامی تنظیم یورو-میڈیٹیرینین ہیومن رائٹس آبزرویٹری نے کہا ہے کہ غزہ کی پٹی پر اسرائیلی قابض فوج کے حملوں میں ہر 7 منٹ کی شرح سے ایک فلسطینی بچہ مارا جاتا ہے، جو کہ جدید تاریخ میں بے مثال خونریزی ہے۔ یوکرین کی جنگ میں جو کچھ ہو رہا ہے اس سے کہیں زیادہ ہے۔
جنیوا میں قائم یورو-میڈیٹیرینین ہیومن رائٹس آبزرویٹری نے کہا کہ غزہ کی پٹی میں 24 دنوں کے اسرائیلی فضائی اور توپ خانے کے حملوں میں شہید ہونے والے بچوں کی تعداد 3,457 گئی ہے اور ایک ہزار سے زائد دیگر ملبے تلے لاپتہ ہیں۔
انہوں نے زور دے کر کہا کہ یہ تعداد اقوام متحدہ کے اعداد و شمار کے مطابق، فروری 2022 کے آخر سے فروری 2023 کے آخر تک پہلے سال کے دوران یوکرین کے خلاف روس کی جنگ میں ہلاک ہونے والے بچوں کی تعداد سے دس گنا زیادہ ہے۔
یہ بھی پڑھیں : غزہ کے بارے میں عرب لیگ کا تاخیری اجلاس!
یورو- میڈیٹیرینین ہیومن رائٹس آبزرویٹری نے بین الاقوامی برادری کے فریقین کو یاد دلایا جنہوں نے جنگ کے آغاز سے ہی یوکرین میں بچوں کے تحفظ کے لیے ہر سطح پر اقدامات کیے ہیں کہ غزہ میں عام شہریوں کی نسل کشی سے آگاہ رہیں۔ خاص طور پر بچوں کے خلاف صہیونی ریاست کے اس سنگین دہرے معیار کو ختم کرنے پر زور دیا گیا۔
یورو میڈ نے اس بات پر زور دیا کہ غزہ کے بچے خوفناک جنگ کے دوران پہلے سے سوچے سمجھے قتل کے مقصد سے اندھا دھند حملوں کا نشانہ بنائے جاتے ہیں۔ ان میں سے بہت سے بے گھر ہیں اور ان کے پاس خوراک اور پینے کے صاف پانی کی کمی ہے۔
غزہ کی پٹی کے جنوب میں آگ اور بارود کی زد میں ہے، جس نے ان صدموں کی شدت کو بڑھا دیا ہے جن کا وہ سامنا کر رہے ہیں۔
انہوں نے نشاندہی کی کہ غزہ کے 18 سال سے کم عمر کے بچوں کی ذہنی صحت خراب ہو رہی ہے جو کہ پٹی کی 2.2 ملین آبادی کا 47 فیصد ہے، کئی سالوں سے بحران کا شکار ہے ۔
