اسرائیل، اپنے اندرونی بحران کو مغربی کنارے اور غزہ میں منتقل کرنا چاہتی ہے، خالد البطش

شیعیت نیوز: جہاد اسلامی کے رہنما خالد البطش نے کہا ہے کہ صیہونی حکومت، اپنے داخلی انتشار اور بحران سے توجہ ہٹانے کےلئے اس بحران کو مغربی کنارے اور غزہ میں منتقل کرنا چاہتی ہے۔

فلسطین الیوم کی رپورٹ کے مطابق جہاد اسلامی کے سیاسی دفتر کے رکن خالد البطش نے کہا ہے کہ صیہونی حکومت مناسب موقع کی تلاش میں ہے تاکہ وہ تمام میدانوں میں جنگ شروع کر سکے اور وہ اس حوالے سے بڑھکیں بھی مار رہی ہے۔

خالد البطش نے کہا کہ ہم جب بھی چاہیں ہر طرح کے دہشت گردانہ اقدام کا جواب دے سکتے ہیں، اب ہم اپنی مزاحمت کے حق سے پیچھے ہٹیں گے اور نہ دوسرے گروہوں کے ساتھ معاہدوں کا انتظار کریں گے اور جیسے جہاد اسلامی کے رہنما زیاد النخالہ نے اعلان کیا ہے کہ اب ہم کسی بھی سیاسی قتل کے مقابلے میں خاموش نہیں بیٹھیں گے اور اس کا جواب دیں گے۔

یہ بھی پڑھیں : بین الاقوامی غذائی تعاون پروگرام میں کمی، امریکہ کے دباؤ کی وجہ سے ہے، انصاراللہ

خالد البطش نے مزید کہا کہ آج مغربی کنارہ میدان جنگ بنا ہوا ہے اور مزاحمتی فورسز نے صہیونیوں کی سانس بند کرکے رکھ دی ہے اور فلسطینی اتھارٹی کے کردار کو پھر سے زندہ کرنے اور جنین شہر کو مغربی کنارے سے جدا کرنے کی کوششیں قابل مذمت ہیں۔

دوسری جانب فلسطینی مزاحمتی فورسز نے غزہ میں دو نئے میزائلوں کا تجربہ کیا ہے۔

فلسطین کی شہاب نیوز کی رپورٹ کے مطابق فلسطین کی مزاحمتی فورسز نے شمالی غزہ سے سمندر کی جانب دو میزائل یکے بعد از دیگرے فائر کئے ہیں۔

فلسطینی مزاحمتی فورسز اپنی عسکری اور حربی توانائیوں کی تقویت کے دائمی منصوبے کے تحت غزہ میں نت نئے میزائلوں کی رونمائی اور تجربے کر رہی ہیں۔

یاد رہے کہ فلسطینی مزاحمتی فورسز، غاصب صیہونی فوج سے مقابلے کےلئے اپنی کوششوں میں تیزی لا رہی ہیں۔