ریمدان سے عراق کے بارڈر کے لئے پہلی خصوصی فلائٹ کا باقاعدہ آغاز
شیعیت نیوز: ایران کی جانب سے (اتوار کو) چابہار سے اہواز کے لئے پاکستانی زائرین کی خصوصی فلائٹ کا باقاعدہ آغاز ہوچکا ہے۔
رپورٹ کے مطابق ایرانی اربعین کمیٹی کے سربراہ نے گزشتہ دنوں ریمدان بارڈر کے دورے کے دوران اعلان کیا تھا کہ پاکستانی زائرین کو جہاز کے ذریعے چابہار سے اہواز منتقل کرنے کا سلسلہ شروع ہوگا جس پر آج باقاعدہ عملدرآمد کرتے ہوئے پہلی خصوصی پرواز کا آغاز کر دیا گیا ہے۔
اطلاع کے مطابق بروز اتوار چابہار سے اہواز کے لئے پاکستانی زائرین کی خصوصی فلائٹ کا باقاعدہ آغاز ہوچکا ہے۔
مجید میر احمدی نے گفتگو میں کہا کہ پاکستانی زائرین پاکستان کے دور دراز علاقوں سے ریمدان پہنچتے ہے ان کی سہولیات کے لیے ایران نے یہ اقدام اٹھایا ہے۔
اربعین کمیٹی کے سربراہ کے اعلان کے بعد مقامی اعلیٰ حکام نے ریمدان بارڈر پر موجود جامعۃ المصطفی العالیہ کے نمائندوں سے ملاقات کے دوران جلد سروس شروع ہونے کا اعلان کیا تھا جس کا باقاعدہ آغاز آج چابہار سے اہواز کے لئے پہلی خصوصی فلائٹ کے ذریعے کر دیا گیا ہے۔
واضح رہے کہ ایران کی طرف سے اربعین حسینی میں ریمدان کی سرحد سے سفر کرنے والے پاکستانی زائرین کی عراق بارڈر منتقلی کے لئے یہ اقدام اٹھایا گیا ہے۔
مقامی اعلیٰ حکام کے مطابق، چابہار سے اہواز تک فلائٹ کے ذریعے بس سے بھی کم کرایے میں زائرین کو عراقی بارڈر تک پہنچانے کا فیصلہ کیا گیا ہے۔
یہ بھی پڑھیں : صیہونی ریاست، مزاحمتی فورسز کی جوابی کارروائی کو تحمل کرنے کے قابل نہیں ہے، البردویل
دوسری جانب دشتیاری کے گورنر کے مطابق سیستان و بلوچستان کے ریمدان بارڈر پر زائرین کو درپیش مشکلات دور کرنے کے بعد رفت و آمد معمول کے مطابق جاری ہے۔
محمد علی رافت نے کہا کہ ریمدان بارڈر پر زائرین کو رفت و آمد کے سلسلے میں درپیش مشکلات کے بعد فوری کاروائی کے نتیجے میں حالات معمول پر آگئے ہیں۔
انہوں نے کہا کہ بارڈر پر بجلی کا نظام معطل ہونے کی وجہ سے پاسپورٹ کی چیکنگ اور دوسرے کام میں تعطل آیا تھا۔ بجلی کا نظام بحال ہوتے ہی تمام شعبے فوری طور پر کام کرنا شروع ہوگئے۔
رافت نے کہا کہ ریمدان بارڈر پر عوامی تنظیموں اور حکومتی ارکین کی حکمت عملی کی وجہ سے اچھے اقدامات کئے جارہے ہیں۔
انہوں نے ریمدان بارڈر پر موجود سہولیات کی طرف اشارہ کرتے ہوئے کہ یہ زائرین کو قیام و طعام کی بہترین سہولیات فراہم کی جارہی ہیں۔
