رہبر انقلاب کی دور اندیشی کا دشمن بھی معترف ہے، خطیب آیت اللہ احمد خاتمی

شیعیت نیوز: تہران کی نماز جمعہ کے اجتماع سے خطاب کرتے ہوئے خطیب آیت اللہ احمد خاتمی نے کہا کہ رہبرِ انقلابِ اسلامی حضرت آیت اللہ العظمیٰ سید علی خامنہ ای کے دشمنوں نے بھی انہیں دنیا کا سب سے بابصیرت اور دور اندیش لیڈر قرار دیا ہے۔

رہبرِ انقلاب حضرت آیت اللہ العظمیٰ سید علی خامنہ ای کی الٰہی تدابیر سے ان 44 سالوں میں سازشیں ناکام ہوتی رہیں ہیں اور اللہ کے فضل سے ناکام ہوتی رہیں گی۔

انہوں نے مزید کہا کہ جب تک دین اسلام قائم ہے، دشمن سازشیں کرتا رہے گا اور دشمن ہرگز اپنے ناکام عزائم سے دستبردار نہیں ہوگا۔

خطیب آیت اللہ احمد خاتمی نے مزید کہا کہ مقاومت اور تقویٰ، دشمن کو مایوس اور ناکام کرنے والے دو عناصر ہیں۔ قرآن میں ’’صبر‘‘ کا لفظ 100 سے زیادہ اور ’’ثبات یعنی استقامت‘‘ کا لفظ 11 مرتبہ آیا ہے۔

یہ بھی پڑھیں : امام خمینیؒ کی برسی کا مرکزی پروگرام ان کے مزار پر ہوگا، آیت اللہ خامنہ ای خطاب فرمائیں گے

انہوں نے جنگ بدر کی جانب اشارہ کرتے ہوئے مزید کہا کہ جنگ بدر میں دشمنوں کی تعداد مسلمانوں سے تین گنا زیادہ تھی لیکن مسلمان اس جنگ میں کامیاب ہوئے، کیونکہ مسلمانوں میں مقاومت اور استقامت کا جذبہ زیادہ تھا۔

امام جمعہ تہران نے امام خمینی رحمۃ اللّٰہ علیہ کی رحلت اور آپ کی برسی کے ایام کی مناسبت سے تعزیت و تسلیت پیش کرتے ہوئے کہا کہ امام راحل رحمۃ اللّٰہ علیہ نے اپنی جگہ ایک عظیم شخص کا انتخاب کیا جس میں خود امام کی طرح نہ جاہ طلبی ہے اور نہ ریاست کی کوئی خواہش ہے۔

خطیب آیت اللہ احمد خاتمی نے مزید کہا کہ رہبر انقلابِ اسلامی آیت اللہ العظمیٰ سید علی خامنہ ای، امام راحل رحمۃ اللّٰہ علیہ کی مانند فرض شناس ہیں اور دونوں قائدین کے اہداف و مقاصد بھی ایک جیسے ہیں۔