اہم ترین خبریںیمن

یمن کے عوام مسئلہ فلسطین کی حمایت جاری رکھیں گے، انصار اللہ

شیعیت نیوز: غزہ کے عوام اور مسئلہ فلسطین کی حمایت میں تحریک انصار اللہ کی دعوت پر (اتوار) صبح دسیوں ہزار یمنی عوام سڑکوں پر آئے اور صیہونی حکومت کے خلاف نعرے لگائے۔

المسیرہ نیٹ ورک کی ویب سائٹ کے مطابق، صعدہ، المحویت، تعز، ذمار، الضالع و عمران شہروں کے مرکزی چوکوں پر آج صبح لوگوں کی بڑی موجودگی دیکھی گئی۔ صنعاء اور الحدیدہ میں آج ایک بڑا اجتماع منعقد کیا جائے گا اور اس تقریب میں شرکت کے لیے یمنی دارالحکومت کے گردونواح کے علاقوں سے بہت سے لوگ پہلے ہی صنعاء پہنچ چکے ہیں۔

فلسطین کی حمایت میں کا اجتماع ’’مسیرة ثأر الاحرار‘‘ کے عنوان سے منعقد کیا جا رہا ہے، جس کا نام غزہ کی مزاحمتی قوتوں نے غزہ کے حملوں کے خلاف اپنی پانچ روزہ مزاحمت کو دیا ہے۔

اس مارچ میں شرکت کی دعوت غزہ کو گزشتہ پانچ دنوں سے صیہونی حکومت کے فضائی حملوں کا نشانہ بنائے جانے کے بعد دی گئی تھی، حملے مزاحمت کے جواب کے ساتھ ہوئے اور بالآخر مقامی وقت کے مطابق رات دس بجے فریقین نے اس مارچ میں شرکت کی۔

یہ بھی پڑھیں : دنیا میں انسانیت سوز جرائم اور ظلم و بے انصافی، ایمان و اخلاق سے دوری کا نتیجہ ہے، رئیسی

لیکن صعدہ میں، جو کہ انصار اللہ تحریک کے مرکزی کے طور پر ہے، دوسرے شہروں کے مقابلے میں بڑے پیمانے پر ریلی نکالی گئی اور یمن کی سپریم پولیٹیکل کونسل کے سینئر رکن ’’محمد علی الحوثی‘‘ نے بھی خطاب کیا۔

انہوں نے کہا کہ یمن کے عوام مسئلہ فلسطین کی حمایت جاری رکھیں گے اور اس راہ میں جدوجہد اور قربانیاں دیں گے۔

محمد علی الحوثی نے مزید کہا کہ ’’صہیونی دشمن نے غزہ میں گھروں اور قبرستانوں پر بھی بمباری کی، جس طرح ہم نے یمن میں دیکھا کہ کس طرح سعودی، امریکی اور اماراتی دشمن ہمارے گھروں کو نشانہ بنا رہے ہیں۔‘‘

انہوں نے صیہونیوں کے خلاف غزہ کی پانچ روزہ مزاحمت کی تعریف کرتے ہوئے فلسطینیوں کو مبارکباد پیش کی اور اس بات پر زور دیا کہ یمن اپنے تمام وسائل کے ساتھ فلسطینی کاز کی حمایت کرتا ہے۔

حتمی بیان میں اعلان کیا گیا کہ ’’ہم یمن کے عوام کی حیثیت سے ایک بار پھر فلسطین کے کاز کے ساتھ اپنی وفاداری اور منظرعام پر اپنی براہ راست موجودگی کا اعلان کرتے ہیں۔ صیہونی دشمن کی قوت مدافعت ختم ہو چکی ہے اور وہ اسے کبھی واپس نہیں کر سکے گا۔

متعلقہ مضامین

Back to top button