ایران دشمنوں کا مثلث توڑنے میں کامیاب رہا، بحریہ کے کمانڈر کا بیان
شیعیت نیوز: ایران کی بحریہ کے کمانڈر نے کہا ہے کہ مقامی صلاحیتوں کی بنیاد پر ایران شرمناک و ناپاک سازشوں، غیرقانونی پابندیوں اور جارحانہ عزائم کی حامل دھونس و دھمکی کو ناکام و ناکارہ بنانے میں کامیاب رہا ہے۔
ایران کی بحریہ کے کمانڈر ایڈمیرل شہرام ایرانی نے جمعے کو ایران پریس سے گفتگو میں ایرانی تباہ کن ڈنا اور مکران نیوی گیٹر، کے ساتھ ایرانی بحریہ کے چھیاسی ویں فلوٹیلا کے، دنیا کے دورے کے اہداف پر روشنی ڈالتے ہوئے کہا کہ گذشتہ چار عشروں کے دوران ناپاک سازشوں، شرمناک پابندیوں اور ہر قسم کی جارحانہ اور اشتعال انگیز دھونس و دھمکیوں کے باوجود ہم اس مثلث کو ناکام بنانے میں کامیاب رہے ہیں اور یہ ہمارے لئے نہایت خوش آئند بات ہے۔
انھوں نے کہا کہ بین الاقوامی سطح پر مشن کے ایک اصول کی بنیاد پر سفارت کاری، دفاع، میدان میں موجودگی اور دیگر ملکوں کے ساتھ روابط برقرار رکھنا ہوتا ہے اور اس سلسلے میں ہم نے اعلی سطح پر کامیابیاں حاصل کی ہیں۔
یہ بھی پڑھیں : سپاہ پاسدارانِ انقلاب ملکی سلامتی کے محافظ کی حیثیت سے ہمارے لئے ریڈ لائن ہے، عبداللہیان
ایران کی بحریہ کے کمانڈر نے کہا کہ ہمارے عوام اور نظام کے دشمنوں کو جان لینا چاہئے کہ علاقے کے بااثر ترین ملک کی حیثیت سے ایران اور ایرانی عوام کو ہرگز نظرانداز نہیں کیا جا سکتا اور نہ ہی ایران کے خلاف سازشوں، پابندیوں اور دھونس دھمکیوں کو کبھی کامیاب بنایا جا سکتا ہے۔
دوسری جانب تہران میں آج کتابوں کی چونتیسویں بین الاقوامی نمائش شروع ہو گئی۔
یہ نمائش تہران میں امام خمینی عیدگاہ میں منعقد کی گئی ہے جس میں لوگوں کی ایک بڑی تعداد شرکت کر رہی ہے جبکہ کتاب ڈاٹ آئی ویب سائٹ پر بھی کتابوں کی اس بین الاقوامی نمائش کا انعقاد کیا گیا ہے۔
ارنا کی رپورٹ کے مطابق تہران میں کتابوں کی اس چونتیسویں بین الاقوامی نمائش میں دو سو غیر ملکی بک سیلرز اور سو پبلشرز جبکہ دو ہزار سات سو ایرانی پبلشرز شریک ہیں ۔
اس نمائش میں مختلف ملکوں سے تعلق رکھنے والے تیس مہمان اور مجموعی طور پر تقریبا چالیس ممالک شرکت کر رہے ہیں ۔
