سوڈان کی صورت حال انتہائی تشویش ناک ہے، حسین امیر عبداللہیان

شیعیت نیوز: سوڈان کی صورت حال کے بارے میں ایران کے وزیر خارجہ امیر عبداللہیان نے کہا کہ سوڈان کی صورت حال انتہائی تشویش ناک ہے اور اس بحران کا حل صرف داخلی مذاکرات ہی ہے۔

یہ بات حسین امیرعبداللہیان نے جمعہ کے روز اپنے ٹوئٹر پیج میں کہی۔

رپورٹ کے مطابق،سوڈان کی صورت حال کا حوالہ دیتے ہوئے وزیر خارجہ حسین امیر عبداللہیان نے کہا کہ سوڈان کی صورت حال سخت  تشویش ناک ہے، اور اگر مناسب اقدامات نہیں کیے گئے تو اس کا دائرہ سوڈان کے علاقے کو خطرے میں ڈالنے کے علاوہ خطے کو بھی متاثر کرے گا۔

انہوں نے مزید کہا کہ بدقسمتی سے، ہم اس بحران میں کچھ غیر ملکی مداخلت اور اشتعال انگیزی دیکھ رہے ہیں. داخلی بات چیت اور افہام و تفہیم اس بحران پر قابو پانے کا بہترین طریقہ ہے۔

یہ بھی پڑھیں : حالیہ جھڑپ میں فلسطینی مزاحمت کو برتری حاصل رہی، صیہونی ذرائع ابلاغ کا اعتراف

دوسری جانب ایرانی وزارت انٹیلی جنس نے ایک بیان میں سخت کرنسی کی مارکیٹ میں خلل ڈالنے کے میدان میں ایرانی معیشت کو درہم برہم کرنے کے لیے کام کرنے والے 23 گروہوں کو ختم کرنے کا اعلان کیا۔

اس وزارت کے سیکورٹی عملوں کو اپنے وسیع حفاظتی اقدامات کے ذریعے 71 افراد کو گرفتار کرنے میں کامیاب ہوگیا اور وہ جوڈیشل حکام کے حوالے کر دیا گیا۔

اس بیان میں کہا گیا ہے کہ اس نیٹ ورک کے ارکان نے کردستان، مشرقی آذربائیجان، مغربی آذربائیجان، اصفہان، چہار محال بختیاری، خراسان رضوی، البرز، مازندران، ایلام اور کرمان کے صوبوں میں کرنسی مارکیٹ کو غیر مستحکم کرنے، قیمتوں میں غیر معمولی اتار چڑھاؤ پیدا کرنے اور کرنسی کے وسائل کو ضائع کرنے کے لیے مختلف غیر قانونی سرگرمیاں اور مجرمانہ کارروائیاں کیں۔