امریکہ نے روسی وزیر خارجہ سرگئی لاوروف کو ویزا جاری نہیں کیا

شیعیت نیوز: روس کے نائب وزیر خارجہ نے اعلان کیا ہےکہ امریکہ نے اقوام متحدہ کی سلامتی کونسل کے اجلاس میں شرکت کے لئے روسی وزیر خارجہ سرگئی لاوروف کو ویزا نہیں دیا ہے۔

رپورٹ کے مطابق روس کے نائب وزیر خارجہ سرگئی ریابکوف نے بدھ کے روز کہا ہے کہ روس کے وزیر خارجہ سرگئی لاوروف کی سربراہی میں اقوام متحدہ کی سلامتی کونسل کے اجلاس میں شرکت کرنے والے وفد کو ویزا جاری نہیں کیا گیا ہے۔

روس کے اس اعلی عہدیدار کے مطابق، ماسکو نے پینٹاگون کی دستاویزات کے انکشاف کے بارے میں کوئی موقف اختیار نہیں کیا ہے تاہم امریکہ کی جانب سے دانستہ طور پر جعلی دستاویزات جاری کئے جانے کے امکان کو مسترد نہیں کیا جا سکتا۔

ریابکوف نے کہا کہ اس رو سے کہ امریکہ مقابل فریق بنا ہوا ہے اور روس کے خلاف اتحادی جنگ کا حصہ ہے بنا بریں روس کے خلاف رائے عامہ کو گمراہ کرنے کے لئے اس قسم کے حربوں کا استعمال ایک ممکن امر ہے اور اس سلسلے میں کوئی دعویٰ نہیں کیا جا سکتا تاہم اس بات کا اعتراف کیا جا سکتا ہے کہ اس بارے میں ممکنہ طور پر ہتھکنڈوں کو استعمال کیا جا سکتا ہے۔

یہ بھی پڑھیں : امریکہ انتونیو گوتریش کی جاسوسی کرتا رہا، خفیہ اسناد منظر عام پر آ گئیں

دوسری جانب شام کے زلزلہ زد گان کے لیے امدادی سامان لیکر ایک روسی جہاز لاذقیہ پہنچ گیا ہے۔

لاذقیہ کے ایئر پورٹ منیجر نے بتایا ہے کہ یہ امدادی سامان ماسکو میں شامی سفارت خانے کی جانب سے ارسال کیا گیا ہے۔ بیس ٹن امدادی سامان میں غذائی اشیا اور دوسرا امدادی سامان شامل ہے۔

انہوں نے بتایا کہ اب تک گیارہ روسی طیارے امدادی سامان لیکر لاذقیہ ایئر پورٹ پر اترے ہیں ۔

صوبہ لاذقیہ کے ایک عہدیدار کا کہنا ہے کہ شام اور روس کے عوام کے درمیان تعلقات کی جڑیں بہت گہری ہیں۔

انہوں نے کہا کہ روس دہشت گردی کے خلاف جنگ میں شامی عوام کے ساتھ کھڑا ہے جو باہمی تعلقات کی پائیداری کا ثبوت ہے۔