پاکستانی صدر ڈاکٹر عارف علوی کی انقلاب اسلامی کی فتح کی چوالیسویں سالگرہ پر مبارکباد
شیعیت نیوز: پاکستانی صدر نے رہبر معظم انقلاب اسلامی آیت اللہ سید علی خامنہ ای کو ایک مبارکبادی خط لکھا جس میں انقلاب اسلامی کی فتح کی چوالیسویں سالگرہ پر مبارکباد پیش کرکے باہمی تعلقات کو مزید گہر ے بنانے کیلیے پاکستان کے عزم پر زور دیا۔
ڈاکٹر عارف علوی نے ایرانی سپریم لیڈر آیت اللہ سید علی خامنہ ای کو مبارکباد کا خط لکھا، جس میں عارف علوی نے پاکستان کی حکومت اور عوام کی جانب سے مبارکباد کا پیغام بھیجا۔
عارف علوی نے کہا کہ پاکستان اور ایران کے درمیان برادرانہ تعلقات لسانی، ثقافتی اور مذہبی بنیادوں پر استوار ہیں۔
انہوں نے مزید کہا کہ پاکستان دوطرفہ تعلقات کے تمام پہلوؤں میں ان روابط کو مزید مضبوط بنانے کے لئے پرعزم ہے۔
صدر مملکت نے رہبر معظم انقلاب کی صحت اور خوشی اور ایران کے عوام کی ترقی، خوشحالی اور فلاح و بہبود کے لئے نیک تمناؤں کا اظہار بھی کیا۔
گزشتہ روز پاکستان کے اعلیٰ حکام بشمول وزیراعظم اور سینیٹ اور قومی اسمبلیوں کے سربراہوں نے ایران کے قومی دن اور اسلامی انقلاب کی فتح کی چوالیسویں سالگرہ پر ایرانی قوم اور حکومت کو مبارکباد پیش کی۔
دنیا کے تمام ممالک میں سے پاکستان پہلا پڑوسی اور مسلم ملک تھا جس نے ایران کے اسلامی انقلاب کو تسلیم کیا اور ایران بھی پہلا ملک تھا جس نے جس نے سنہ1326 ہجری شمسی میں پاکستان کی آزادی کو تسلیم کیا۔
یہ بھی پڑھیں : یمنی انصار اللہ کی ایران کو اسلامی انقلاب کی فتح کی 44ویں سالگرہ پر مبارکباد
دوسری جانب ایرانی اسلامی انقلاب کی فتح کی 44ویں سالگرہ اور قومی دن کی شاندار تقریب کراچی میں ایران کے قونصل خانے میں منعقد ہوئی۔ جس میں ایران کے قونصل جنرل، پاکستان کی کے اعلیٰ حکام اور اہم شخصیات نے شرکت کی تھی۔
اس تقریب میں وزیر اعلیٰ سندھ اور سندھ صوبائی اسمبلی کا رکن ‘سید مراد علی شاہ’، صوبہ سندھ کا گورنر ‘ محمد کامران تیسوری’ نے بھی ایرانی قونصل جنرل حسن نوریان کو ایرانی قومی دن پر مبارکباد پیش کی۔
اس تقریب میں حسن نوریان نے سیاسی، اقتصادی، ثقافتی اور فوجی اور۔ ۔ ۔ کے شعبوں میں تعاون کے فروغ کیلیے دونوں ممالک کی کوششوں کو سراہا۔
انہوں نے بتایا کہ انقلاب اسلامی کی فتح کی 44 ویں سالگرہ پاکستان اور ایران کے دیرینہ برادرانہ تعلقات کی 76 ویں سالگرہ ہے اور دونوں دوست ممالک تمام شعبوں خاص طور پر اقتصادی اور تجارتی تعلقات کو مضبوط بنانے کے لیے پرعزم ہیں۔
نوریان نے کہا کہ ایرانی قوم کے بدخواہ ہمیشہ ہمارے معاشرے میں مایوسی اور تفرقہ پیدا کرنے کی کوشش کرتے ہیں، لیکن اسلامی انقلاب سے 44 سال گزرنے کے باوجود ایران کے غیرت مند عوام انقلاب کے اقدار پر پابند ہیں۔
