شہزادہ محمد بن سلمان سعودی عرب کے وزیر اعظم مقرر ، شاہی حکم جاری

شیعیت نیوز: سعودی فرمانروا شاہ سلمان بن عبد العزیز نے ولی عہد شہزادہ محمد بن سلمان کو سعودی عرب کا وزیر اعظم مقرر کر دیا ہے۔

سعودی فرمانروا شاہ سلمان بن عبد العزیز کی طرف سے جاری شاہی فرمان میں ولی عہد محمد بن سلمان کو سعودی عرب کا وزیر اعظم مقرر کیا گیا ہے۔

یہ بھی پڑھیں : اگر قوم وفا نہ کرے تو امام حسن علیہ السلام جیسے عظیم رہنما کو بھی تنہائی کا صدمہ جھیلنا پڑتا ہے، علامہ حیات عباس نجفی

سعودی فرمانروا کی طرف سے جاری ایک اور فرمان میں ان کے چھوٹے بھائی شہزادہ خالد بن سلمان کو وزیر دفاع مقرر کیا گیا ہے۔

شاہی فرمان کے مطابق شہزادہ محمد بن سلمان بن عبدالعزیز ولی عہد اور منسٹرز کونسل کے سربراہ ہوں گے۔ یہ فیصلہ سعودی آئین کی دفعہ 56 اور منسٹرز کونسل کے قانون میں مذکور متعلقہ احکام سے استثنائی طور پر کیا گیا ہے۔

سعودی عرب کی سرکاری ایجنسی کے مطابق شاہ سلمان بن عبدالعزیز نے شاہی فرمان جاری کردیا ہے، جس کے تحت دیگر اہم وزرا کو برقرار رکھا گیا ہے جس میں داخلہ، خارجہ اور توانائی کے وزرا شامل ہیں۔

یہ بھی پڑھیں : ناصبی انتہاء پسندوں کا امام زادہ حضرت عبداللہ شاہ غازیؒ کے مزار پر شیعہ زائرین پر حملہ

شہزادہ محمد بن سلمان نے گزشتہ ماہ اپنی 37 ویں سالگرہ منائی تھی جبکہ انہیں 2017 میں ولی عہد بنایا گیا تھا اور اس سے قبل وہ 2015 میں وزیر دفاع بنے تھے ۔

سعودی عرب نے 86 سالہ فرمانروا سلمان بن عبدالعزیز کی صحت کے حوالے سے کئی برسوں سے قیاس آرایاں روکنے کی کوشش کی ہے۔