امریکہ میں جمہوریت نام کی کوئی چیز نہیں بچی ہے، ہلری کلنٹن

شیعیت نیوز: سابق امریکی وزیر خارجہ ہلری کلنٹن نے کہا کہ اس ملک جمہوریت کھونے کے دہانے پر ہے اور دستیاب آپشنز کے ساتھ 2024 کے صدارتی انتخابات میں یہ مسئلہ اور بھی خوفناک ہوگا۔

سابق امریکی وزیر خارجہ اور 2016 کے انتخابات میں ڈیموکریٹک حریف ڈونلڈ ٹرمپ کی حریف ہلری کلنٹن نے فنانشل ٹائمز کو دیے جانے والے ایک انٹرویو میں کہا کہ امریکہ میں جمہوریت تباہی کے دہانے پر ہے،اس میں کچھ بھی باقی نہیں بچا۔

کلنٹن نے فنانشل ٹائمز کو بتایا کہ ہم اپنی جمہوریت کو کھونے کے دہانے پر کھڑے ہیں اور ہر وہ چیز جس کی دوسروں کو فکر ہوتی ہے، اپنی ساکھ کھو دیتی ہے۔

سابق امریکی وزیر خارجہ نے زور دیا کہ ڈیموکریٹک پارٹی کو ایسے مسائل پر توجہ دینی چاہیے جو لوگوں کے دلوں کو جیتنے میں مدد گار ہوتے ہیں، بجائے اس کے کہ زیادہ متنازعہ مسائل جو بنیادی طور پر اقلیتوں کے لیے اہم ہیںْ

انہوں نے کہا کہ سب سے اہم چیز اگلا الیکشن جیتنا ہے کیونکہ اس میں ہمارا سامنے والا اتنا خوفناک ہے کہ کوئی بھی چیز جو آپ کو جیتنے میں مدد نہیں دیتی اسے ترجیح نہیں ہونی چاہئے۔

یہ بھی پڑھیں : یمن جنگ کی قیادت امریکہ کے ہاتھ میں ہے، سعودی سیاسی تجزیہ نگار

کلنٹن نے یہ بھی پیش گوئی کی کہ موجودہ ڈیموکریٹک صدر جو بائیڈن 2024 کے صدارتی انتخابات میں حصہ لیں گے۔

انہوں نے کہا کہ وہ یقینی طور پر انتخاب لڑنے کا فیصلہ کریں گی،اس دوران سابق امریکی وزیر خارجہ نے کہا کہ وہ 2016 کے صدارتی انتخابات میں شکست کی وجہ سے دوبارہ انتخاب نہیں لڑیں گی۔

دوسری جانب امریکی وائٹ ہاؤس کی جانب سے جاری بیان میں کہا گیا ہے کہ امریکہ ، یوکرائن کو راکٹ سسٹم سمیت مزید اسلحہ فراہم کرے گا۔

امریکی وائٹ ہاؤس کی جانب سے جاری بیان کے مطابق یوکرائن کو 450 ملین ڈالر مالیت کا مزید اسلحہ دے رہے ہیں۔

ذرائع کے مطابق امریکہ سے بھیجا گیا طویل فاصلے تک مار کرنے والا ہائی موبیلٹی آرٹلری راکٹ سسٹمز ( ہیمارس) یوکرائن پہنچ گیا ہے۔

ذرائع کے مطابق یہ طاقتور ہتھیاروں کا ایک نظام ہے، اس سے یوکرائن کو امید ہے کہ روس کے حملے کا رخ موڑنے میں مدد مل سکتی ہے۔

یوکرائن کے وزیر دفاع اولیکسی ریزنیکوف نے ہیمارس کی آمد کے بارے میں اپنے ایک ٹوئٹ میں امریکی وزیر دفاع لائیڈآسٹن کا شکریہ ادا کیا تھا۔