پاکستان میں قائم امریکی سفارت خانہ ہم جنس پرستی جیسے غلیظ عمل کی ترویج میں کوشاں، ریاست خاموش تماشائی

شیعیت نیوز:  دارالحکومت اسلام آباد میں قائم امریکی سفارت خانہ جمہوری اسلامی پاکستان کے پاکیزہ معاشرے کو غلاظت اور بےحیائی سے آلودہ کرنے کی ناپاک کوششوں میں مصروف۔ امریکی سفارت خانے کی جانب سے پاکستان میں ہم جنس پرستی جیسے غلیظ اور خلاف اسلام عمل کی ترویج کا سلسلہ جاری ۔

تفصیلات کے مطابق اسلام آباد میں موجود امریکی سفارت خانے کے چند روز قبل سماجی رابطے کی ویب سائٹ ٹوئٹر پر ہم جنس پرستی کے فروغ پر مبنی ایک پیغام جاری کیا ۔

ٹوئٹر پیغام میں کہا گیا کہ مشن پاکستان LGBTQI+ کمیونٹی کو مضبوط بنانے اور اس کی مدد کرنے کے لیے کام کرتا ہے۔ ہم ہر روز اس بات کو یقینی بنانے کی کوشش کرتے ہیں کہ LGBTQI+ کمیونٹی کے انسانی حقوق کا احترام کیا جائے اور انہیں ظلم سے محفوظ رکھا جائے۔ ہم مکمل مساوات کے لیےپاکستانی حکومت پر دباؤ ڈالتے رہتے ہیں۔

یہ بھی پڑھیں: امریکہ کی جانب سے ہم جنس پرستی کا فروغ پاکستان کی اساس اور دین اسلام پر حملہ ہے، علامہ راجہ ناصرعباس

واضح رہے کہ امریکی معاشرہ پہلے ہی اس غلاظت کے سبب تباہی کے دہانے پہنچ چکا ہے، خاندانی نظام معاشرت ناپید اور والدین کی عزت وتوقیر ڈھونڈنے کوبھی نہیں ملتی، اب امریکا پاکستان کے مسلم معاشرے کو اس بداخلاقی میں مبتلا کرکے اسلام کی روح پر حملہ کرنے کی کوشش کررہا ہے۔

اس سےقبل 4 جولائی سال 2011 کوبھی اسلام آباد میں موجود امریکی سفارت خانے میں ایک سیمینار پاکستان میں ہم جنس پرستوں کے حقوق کے عنوان سے منعقد کیا گیا تھا اور اسے امریکی سفارتی عملےکی جانب سے پاکستان میں ہم جنس پرست خواتین اور مردوں اور خواجہ سراؤں کیلئے پہلی فخریہ پیشکش قرار دیا تھا۔

پاکستان کے اسلام پرست شیعہ سنی طبقات حکومت پاکستان سے مطالبہ کرتے ہیں کہ خاموش تماشائی بننے کے بجائے امریکا کی جانب سے پاکستان کے معاشرے کو ہم جنس پرستی جیسی قبیح لعنت اور گناہ میں مبتلا کرنے کی کوشش میں مصروف امریکی سفارتی عملے کے خلاف فوری کارروائی عمل میں لائے ۔