اماراتی صدر سے خودساختہ صیہونی صدر کی ملاقات، تعلقات میں مزید استحکام کی امید

شیعیت نیوز: خودساختہ صیہونی حکومت کے صدر نے متحدہ عرب امارات پہنچ کر وہاں کے نو منتخب صدر سے ملاقات اور گفتگو کی ہے۔

شیخ خلیفہ بن زائد آل نہیان کے انتقال کے بعد متحدہ عرب امارات کی اتحاد اعلیٰ کونسل نے ابو ظہبی کے ولی عہد محمد بن زائد آل نہیان کو صدر کے طور پر چُن لیا ہے۔

اس سے قبل متحدہ عرب امارات حکومت کے نائب سربراہ محمد بن راشد آل مکتوم، وزرا کونسل کے سربراہ اور دبی کے حاکم نے محمد بن زائد کی بیعت کر لی تھی۔ محمد بن زائد متحدہ عرب امارات کے انتقال کر جانے والے صدر خلیفہ بن زائد کے سوتیلے بھائی ہیں۔

یاد رہے کہ متحدہ عرب امارات کے صدر اشیخ خلیفہ بن زاید جنہوں نے 2004 سے ملک کی قیادت سنھبالی تھی گذشتہ جمعہ کو 73 سال کی عمر میں انتقال کر گئے تھے۔

یہ بھی پڑھیں : یوم النکبہ پر لندن، پیرس، ویانا سمیت مختلف جگہوں پر فلسطین کی حمایت میں مظاہرہ

اس درمیان اطلاعات ہیں کہ خودساختہ صیہونی حکومت کے صدر اسحاق ہرتزوگ نے صیہونی حکومت کی کابینہ کے بعض وزرا کے ہمراہ ابو ظہبی پہنچ کر نومنتخب صدر محمد بن زائد آل نہیان سے ملاقات اور گفتگو کی ہے۔ انہوں نے محمد بن زائد کو متحدہ عرب امارات کا نیا صدر بننے پر مبارکباد پیش کی۔

صیہونی حکومت کے صدر نے اس سفر کے بعد علاقائی اقوام کے مابین صلح و دوستی کو متحدہ عرب امارات کے سابق صدر کی میراث قرار دیا۔

صیہونی صدر نے عرب امارات کے نومنتخب صدر کو خطاب کرتے ہوئے کہا کہ آپ اپنے بھائی کے راستے کو آگے بڑھانے والے ہیں اس اعتبار سے کہ آپ اسرائیلی حکومت اور امارات و بعض دیگر ممالک مابین انجام پانے والے ابراہیم معاہدے کے بعد حیرت انگیز انداز میں تبدیلیوں کا باعث بنے ہیں۔

غاصب صیہونی حکومت کے صدر نے امید ظاہر کی کہ ان کی ریاست کے ساتھ متحدہ عرب امارات کے تعلقات مزید مستحکم ہوں گے۔

واضح رہے کہ سال 2020 میں متحدہ عرب امارات نے اسرائیل کے ساتھ سفارتی تعلقات قائم کرنے اور دونوں ممالک کے درمیان تعلقات کو معمول پر لانے کے لیے ایک معاہدے پر دستخط کیے تھے۔