لبنانی فوج کا اقوام متحدہ سے مطالبہ، صیہونی ٹولے کو لگام دی جائے
شیعیت نیوز: لبنانی فوج نے اسرائیلی فوج کے ہاتھوں شام پر ہوائی حملے میں ملک کی سرزمین کے استعمال کی مذمت کرتے ہوئے، اقوام متحدہ سے اسرائیل کو لگام لگانے کا مطالبہ کیا۔
لبنان نے ملک کے جنوب میں واقع رآس ناقورہ پاس میں اقوام متحدہ کی فوج کے کمانڈر جنرل اسٹفانو ڈل کول، اسرائیلی فوج اور لبنانی فوج کے وفود کے درمیان سہ فریقی اجلاس کے بعد ایک بیان جاری کیا۔
یہ بھی پڑھیں : مذہبی جنونیت کے بڑھتے ہوئے واقعات ریاست کے وجود کو کھوکھلا کر رہے ہیں،علامہ راجہ ناصر عباس جعفری
المسیرہ کے مطابق، لبنان نے اسرائیلی فوج کی طرف سے آئے دن انجام پانے والے حملے کی مذمت کی اور اسرائیلی فوج کو اس کے انجام کی بابت خبردار کیا۔
لبنانی فوج نے اقوام متحدہ سے مطالبہ کیا کہ وہ اسرائیلی فوج پر دباؤ ڈالے کہ وہ اپنے مخاصمانہ اقدامات بالخصوص لبنان کی فضائی حدود کو شام پر بمباری کے لئے استعمال اور زمینی، ہوائی اور سمندری راستے سے لبنان کی خود مختاری کی مسلسل خلاف ورزی کا سلسلہ بند کرے۔
لبنانی فوج نے کہا کہ وہ خود کو اقوام متحدہ کی سیکورٹی کونسل کی قرارداد 1701 پر عمل کا پابند سمجھتی ہے۔ یہ وہ قرارداد ہے جو حزب اللہ لبنان اور اسرائیل کے مابین جنگ کو ختم کرنے کے لئے 11 اگست سنہ 2006 کو منظور کی گئی تھی۔
قابل ذکر ہے کہ اسرائیلی فوج نے بدھ کے روز بیروت کی جنوب مشرقی سمت سے دمشق پر کئی میزائل فائر کئےتھے۔
