بزرگ مرجع تقلید آیت اللہ صافی گلپائیگانی کی نماز جنازہ میں ہزاروں افراد کی شرکت

شیعیت نیوز: بزرگ مرجع تقلید آیت اللہ العظمیٰ صافی گلپائیگانی کی نماز جنازہ قم المقدسہ میں حرم حضرت معصومہ سلام اللہ علیھا میں ادا کردی گئی جس میں ہزاروں افراد نے شرکت کی۔

آیت اللہ لطف اللہ صافی گلپائیگانی پیر کی شب ایک سو تین سال کی عمر میں اس دار فانی سےرحلت کرگئے تھے۔

بزرگ مرجع تقلید آیت اللہ صافی گلپائیگانی کی نماز جنازہ میں قم اور دیگرشہروں سے آنے والے ہزاروں طلبہ، استاتذہ اور عام لوگوں نے شرکت کی ۔

یہ بھی پڑھیں : صیہونی حکومت ایک قتل و تشدد اور بحران پیدا کرنے والی حکومت ہے، سعید خطیب زادہ

انہوں نے برسوں حوزہ علمیہ قم میں تدریس کے فرائض انجام دیئے اور سیکڑوں شاگردوں کی تربیت کے ساتھ ساتھ درجنوں کتابیں تصنیف کیں۔

آیت اللہ صافی گلپائیگانی کے پیکر مطہر کو تدفین کے لیے عراق کے شہر کربلائے معلی منتقل کیا جائے گا۔

رہبر انقلاب اسلامی آیت اللہ العظمیٰ سیدعلی خامنہ ای نے اس عالم ربانی کی وفات پر اپنے تعزیتی پیغام میں انہیں حوزہ علمیہ قم کا اہم ترین ستون قرار دیا ہے۔

یہ بھی پڑھیں : نئی ایٹمی تنصیبات کی آئی اے ای اے کے ذریعے نگرانی، ایٹمی معاہدے کی بحالی سے مشروط

ایران کی کابینہ نے بھی آیت اللہ صافی گلپائیگانی کی وفات پر قوم کو تعزیت پیش کی ہے اور بدھ کے روز ملک میں ایک روز کے عام سوگ کا اعلان کیا ہے۔ جبکہ قم شہر میں بدھ کوعام تعطیل تھی۔

واضح رہے کہ بزرگ مرجع تقلید اور عالم دین آیت‌ الله العظمیٰ لطف اللہ صافی گلپایگانی چند روز قبل طبی معائنے کیلئے قم کے آیت الله گلپایگانی ہسپتال میں داخل ہوئے جہاں وہ زیر علاج تھے تاہم پیر کی رات کو دل کا دورہ پڑنے کی وجہ سے دنیا سے رحلت کر گئے۔