ویانا میں بعض مذاکرات کار ہمارے ہمسایہ ممالک میں تشویش پیدا کر رہے ہیں، امیر عبد اللہیان

شیعیت نیوز: ایران کے وزير خارجہ امیر عبد اللہیان عمان اور قطر کا دور روزہ دورہ مکمل کرکے تہران پہنچ گئے ہیں ۔
امیر عبد اللہیان نے عمان کے بادشاہ کے معاون اور عمان کے وزیر خارجہ کے ساتھ دو طرفہ ، علاقائی اور عالمی امور کے بارے میں تبادلہ خیال کیا۔
قطر کے دورے کے دوران بھی امیر عبداللہیان نے قطر کے بادشاہ اور قطر کے وزیر خارجہ سے ملاقات اور گفتگو کی۔
یہ بھی پڑھیں : یمنی افواج کا امارات اور داعش کے ٹھکانوں پر دو میزائلوں سے حملہ
ایرانی وزیر خارجہ نے ہمسایہ ممالک کے دورے کے بارے میں گفتگو کرتے ہوئے کہا کہ قطر کی حکومت کی دعوت پر ایران کے بعض وزراء قطر کا دورہ کریں گے اور دونوں ممالک کے درمیان تجارتی ، اقتصادی اور دیگر شعبوں میں تعلقات کو فروغ دینے کے سلسلے میں تبادلہ خیال کریں گے۔
ایرانی وزیر خارجہ نے قطر میں کورونا کی نئی لہر کی طرف اشارہ کرتے ہوئے کہا کہ ایران نے کورونا کی نئی لہر سے بچاؤ کے لئے قطر کی حمایت کرنے کا اعلان کیا ہے۔
امیر عبد اللہیان نے کہا کہ علاقائی سطح پربحران اور کشیدگی کو مذاکرات کے ذریعہ حل کیا جاسکتا ہے۔ ایران خطے کا اہم اور بڑا ملک ہے جس کا علاقائی امن و سلامتی میں اہم کردار ہے۔
یہ بھی پڑھیں : سعودی بحران اسرائیل کے ساتھ معمول پر آنے کا ایک موقع ہے، صیہونی مصنف
ایران نے ویانا مذاکرات کے بارے میں بھی ہمسایہ ممالک کو اطلاعات فراہم کی ہیں ۔ ہم پرامن ایٹمی ٹیکنالوجی اسلامی اور ہمسایہ ممالک کو بھی فراہم کرسکتے ہیں۔
انھوں نے کہا کہ ویانا مذاکرات میں بعض مذاکرات کار ہمارے بعض پڑوسی ممالک میں تشویش پیدا کررہے ہیں جبکہ ہم اس تشویش کو دور کرنے کی کوشش کررہے ہیں۔ ایران کے ایک ذمہ دار ملک ہے جو اپنی ذمہ داریوں پر عمل کررہا ہے۔