شہدا کے جسد خاکی کی واپسی کے لیے کوشش کر رہے ہیں، الشیخ حسن یوسف

شیعیت نیوز: اسلامی مزاحمتی تحریک حماس کے سینیر رہنما الشیخ حسن یوسف نے کہا ہے کہ مزاحمت کار اسرائیلی قابض سے فلسطینی شہداء کے جسد خاکی کو وپس کرانے کے لیے کام کر رہے ہیں۔

یہ بات اس نے رام اللہ کے وسط میں ایک اسٹینڈ پر کی جس کا اہتمام مقبوضہ بیت المقدس کے بیدوین قصبے کے شہداء کے اہل خانہ نے کیا تھا سے خطاب کرتے ہوئے الشیخ حسن یوسف نے کہا کہ شہداء کی لاشوں کی بازیابی کا مطالبہ کیا گیا تھا تاکہ ریفریجریٹروں اور قبرستان میں رکھے گئے شہدا کے جسد خاکی کو واپس کیا جائے۔

حماس رہنما الشیخ حسن یوسف نے اس بات پر زور دیا کہ شہیدوں کی لاشوں کو ان کے خاندانوں کو واپس کیا جانا چاہیئے تاکہ انہیں عزت کے ساتھ سپرد خاک کیا جاسکے۔

انہوں نے کہا کہ ہم نے شہدا کےجسد خاکی کی واپسی کا عہد کررکھا ہے۔ شہداء کی لاشوں کی واپسی تمام لوگوں کے کندھوں پر ایک بڑی ذمہ داری ہے۔

انہوں نے شہداء کے اہل خانہ کو مخاطب کرتے ہوئے کہاکہ آپ ہم سب میں سب سے زیادہ سخی ہیں اور کوئی آپ سے آگے نہیں ہے کیونکہ آپ نے اس زندگی میں سب سے قیمتی چیز وطن اور القدس  کی خاطر قربان کی ہے۔

یہ بھی پڑھیں : مسجد اقصیٰ کے وجود کو شدید خطرات لاحق ہیں، الشیخ عکرمہ صبری

دوسری جانب اسرائیلی ذرائع ابلاغ میں آنے والی رپورٹس میں بتایا گیا ہے کہ گذشتہ تین ماہ کے دوران 10 ہزار یہودی آباد کاروں نے اسرائیلی پولیس کی فول پروف سیکیورٹی میں مسجد قصیٰ میں گھس کر مسلمانوں کے قبلہ اوّل کی بے حرمتی کی۔

مسجد اقصیٰ پر دھاوؤں کی نگرانی اسرائیلی کمیٹی کی طرف سے جاری کردہ رپورٹ میں کہا گیا ہے کہ  گذشتہ تین ماہ کے دوران اسرائیلی طلباء اور انٹیلی جنس اہلکاروں سمیت دس ہزار انتہا پسندوں نے  قبلہ اوّل میں گھس کراشتعال انگیز چکر لگائے۔

یہودی آباد کاروں کو قبلہ اوّل پر دھاوؤں کے لیے فول پروف سیکیورٹی فراہم کی جاتی ہے جب کہ فلسطینیوں کو قبلہ اوّل میں نماز کی ادائیگی سے روکنے کے لیے طاقت کے استعمال سمیت طرح طرح کے حربے استعمال کیے جاتے ہیں۔