جنگ یمن کے مجرم برطانیہ نے ایران پر الزام عائد

شیعیت نیوز: جنگ یمن کے آغاز سے اب تک جارح ممالک کو اسلحہ فراہم کرنے والے برطانیہ نے تہران پر یہ الزام عائد کیا ہے کہ وہ سعودی عرب کے خلاف ہونے والے حملوں میں یمنی فورسز کی مدد کر رہا ہے۔

فارس نیوز کے مطابق برطانوی وزیر خارجہ ڈومینک راب نے اتوار کی شب ایک ٹوئیٹ میں ایران پر یہ الزام عائد کیا کہ ایران سعودی عرب کے خلاف حملوں میں یمنی فورسز کی مدد کر رہا ہے۔

یہ بھی پڑھیں : اذانوں میں اقرارولایت مولاعلیؑ پر پابندی کا مطالبہ کرنے والوں کے منہ کالےہوگئے،ٹوئٹر پر#اشہدان_علیا_ولی_اللہ ٹاپ ٹرینڈ بن گیا

برطانوی وزیر خارجہ نے اپنے ٹوئیٹ میں لکھا کہ برطانیہ سعودی عرب پر ہونے والے بیلسٹک میزائل حملوں کی مذمت کرتا ہے۔

عجیب بات یہ کہ ڈامینک راب نے اپنے ٹوئیٹ میں گزشتہ قریب سات برسوں سے یمن کے خلاف جاری سعودی جارحیت کی جانب کوئی اشارہ نہیں کیا کہ جس میں اب تک براہ راست طور پر دسیوں ہزار یمنی شہری شہید و زخمی ہو چکے ہیں جبکہ جنگ کے باعث پیدا ہونے والی المناک صورتحال کے باعث لاکھوں یمنی باشندے اپنی جان گنوا چکے ہیں جبکہ لاکھوں دیگر یمنی باشندوں کی زندگیاں خطرے میں پڑی ہوئی ہیں جن میں ایک بڑی تعداد بیماروں اور بچوں کی ہے۔

یہ بھی پڑھیں : ملک دشمنوں کے خلاف ہمیں آج بھی اسی 1965 والی جرات اور حوصلے کی ضرورت ہے، علامہ راجہ ناصرعباس

قابل ذکر ہے کہ برطانیہ کا شمار یمن کے خلاف مصروف جارحیت ممالک کے اصل حامیوں میں ہوتا ہے جو مستقل بنیادوں پر جارح سعودی اتحاد کو اسلحہ فروخت کرتا رہا ہے۔

خیال رہے کہ جارح سعودی اتحاد کے ترجمان نے ہفتے اور اتوار کی درمیانی شب یہ اعلان کیا تھا کہ یمنی فورسز نے چند بیلسٹک میزائلوں سے سعودی عرب کے جنوبی اور مشرقی علاقوں کو نشانہ بنایا ہے۔