افغانستان کی صورتحال،9محرم الحرام کو نشتر پارک سے قومی پالیسی کا اظہار کریں گے،علامہ شہنشاہ نقوی
میں آج کی مجلس میں صرف اتنا کہ کر آگے بڑھوں گا کہ میں ان حالات کے پیش نظر میں تفصیل سے مشوروں میں ہوں رابطوں میں ہوں
شیعیت نیوز: معروف عالم دین و خطیب اہل بیتؑ علامہ سید شہنشاہ حسین نقوی نے 7 محرم الحرام کو عزاخانہ علی متقی جعفری میں مجلس عزا سے خطاب کرتے ہوئے کہا کہ بہت مشکل ایام ہیں آج کل، ہمارےپڑوس میں کچھ سیاسی حالات تبدیل ہورہے ہیں، میں آج کی مجلس میں صرف اتنا کہ کر آگے بڑھوں گا کہ میں ان حالات کے پیش نظر میں تفصیل سے مشوروں میں ہوں رابطوں میں ہوں۔ 9محرم کی نشتر پارک کی مجلس عزا میں میں قومی پالیسی کا اظہار کریں گے۔
انہوں نے مزید کہا کہ صرف کابل میں اترنے والے پرچموں کو نہ دیکھیں بلکہ غزنی کی شاہراہوں پرہونے والے ماتم اور عزاداری کو بھی دیکھیں ، صرف ایک کلپ کو نہ چلائیں پورے افغانستان کے حالات کو نظر میں رکھیں ۔ 12 صوبوں میں سے 4 صوبے شیعہ اکثریت پر مبنی ہیں۔
یہ بھی پڑھیں: رہنماایم ڈبلیوایم علامہ باقرعباس زیدی کی نشتر پارک میں علامہ شہنشاہ نقوی سے ملاقات و مختلف مرکزی مجالس میں شرکت
آخر میں ان کا کہنا تھا کہ شیعہ اکثریتی علاقوں میں بھرپور عزاداری کرنےکی اجازت بھی وہی دے رہے ہیں جنہوں نے کابل کے چوک سے یاحسینؑ کے پرچم اتار کرکے لا الہ الا اللہ کے پرچم لگائے ہیں۔ میں فی الحال صرف اتنا کہنا چاہتا ہوں کہ احتتاط کیجئے اور کوئی بھی رائے دینے سے گریز کیجئے۔
