امریکہ لبنان میں فتنہ پھیلانے کی ہر ممکن کوشش کررہا ہے، حزب اللہ سکریٹری جنرل

شیعیت نیوز: لبنان کی اسلامی مزاحمتی تحریک حزب اللہ سکریٹری جنرل سید حسن نصر اللہ نے کہا کہ ہم لبنان میں دیکھ رہے ہیں کہ امریکہ لبنان میں داخلی جنگ اور فتنہ پھیلانے کی ہر ممکن کوشش کررہا ہے۔ امریکہ کہتا ہے کہ وہ حزب اللہ کا مقابلہ کرنے کے لئے لبنانی فوج کی حمایت کررہا ہے ۔

انہوں نے آج اپنے خطاب میں لبنان کے داخلی، علاقائی امور اور فتنہ پیدا کرنے کی مذموم کوشش پر روشنی ڈالی۔

انہوں نے کہا کہ امریکہ کا یہ بیان لبنانی فوج اور حزب اللہ کے درمیان فتنہ پیدا کرنے کی مذموم کوشش کا حصہ ہے۔ ہم لبنانی فوج کی ہر لحاظ سےمدد کرنے کے لئے آمادہ ہیں ۔

حزب اللہ لبنان کے سکریٹری جنرل سید حسن نصر اللہ نے کہا کہ ہم لبنانی فوج کو ملک کی حقیقی سیکورٹی، استحکام و اتحاد کی ضمانت مانتے ہيں۔ ہماری ثقافت میں فوج، اس سنہری مثلث کا اہم حصہ ہے جو قوم، مزاحمت اور فوج پر مبنی ہے۔

یہ بھی پڑھیں : کوئی طاقت حقیقت کی روشنی چھپانے پر قادر نہیں، محمد عفیف

سید حسن نصر اللہ نے کہا کہ لبنانی فوج کے طاقتور ہونے کے راستے میں سب سے بڑی رکاوٹ امریکہ ہے۔

ان کا کہنا تھا کہ امریکہ ہی ہے جو علاقائی ممالک سمیت دنیا کے دوسرے ممالک کی مدد کو لبنانی فوج تک پہنچنے میں رکاوٹ بنا ہوا ہے۔

انہوں نے کہا کہ امریکہ کو اس بات کا خوف ہے کہ کہیں لبنان کی فوج اتنی طاقتور نہ ہو جائے کہ اسرائیل کے خلاف ڈٹ جائے۔

حزب اللہ سکریٹری سید حسن نصر اللہ نے کہا ہے کہ ایران نے ثابت کردیا ہے کہ وہ کسی کی طرف اور کسی کی نیابت میں مذاکرات نہیں کرتا ، دوست اور غیر دوست دونوں کی طرف سے مدد طلب کرنے پر وہ کسی کی مدد سے دریغ بھی نہیں کرتا ۔

یہ بھی پڑھیں : عراق میں امریکی مخبروں کے نام ظاہر کرنے والی امریکی خاتون کو 23 سال قید کی سزا

حزب اللہ سکریٹری نے کہا ہے کہ مزاحتمی محاذ کے میڈیا کے خلاف امریکی اقدامات نے آزادی اور آزادی بیان (فریڈم آف ایکسپریشن) کے اس کے نعرے کے جھوٹ کو ثابت کر دیا ہے۔

سید حسن نصر اللہ نے کہا کہ مزاحمتی محاذ کی ویب سائٹوں کو بلاک کرنے کا امریکی اقدام، امریکی حکومت کے دعوؤں کے کھوکھلا ہونے کا ثبوت ہے۔

انہوں نے کہا کہ مزاحمتی محاذ کی وب سائٹوں کو محدود کرنا، کوئی اتفاقی واقعہ نہیں ہے کیونکہ ان سائٹوں نے ’’قدس کی تلوار‘‘ نامی آپریشن میں فلسطینی قوم کے ساتھ یکجہتی کا اظہار کیا اور صیہونی دشمن و تکفیری دہشت گردوں کے خلاف موقف اختیار کیا اور سب سے اہم بات یہ ہے کہ ان میں سے کچھ سائٹیں مذہبی ہیں جن کا سیاست سے کوئی واسطہ نہیں ہے۔

سید حسن نصر اللہ نے کہا کہ امریکی وزارت انصاف نے ان سیاسی اور مذہبی سائٹوں کو بند کیا جو خطے میں اسرائیلی جارحیت اور بربریت کو برملا کررہی تھیں۔

انھوں نے کہا کہ امریکہ اور اس کے اتحادی خطے میں اسرائیل کے حامی ہیں اور فلسطینیوں کے دشمن ہیں ۔