شامی فضائیہ بڑی کامیابی، لاذقیہ اور طرطوس پر فضائی حملہ ناکام

شیعیت نیوز: شامی فضائیہ نے آج بدھ کی صبح لاذقیہ اور طرطوس پر ہونے والے دشمن کے حملے کو ناکام بنا دیا ہے۔

شام کی سرکاری نیوز ایجنسی سانا کی رپورٹ کے مطابق شام کی فوج کے ائیرڈیفنس سسٹم نے ساحلی شہروں لاذقیہ اور طرطوس میں فائر کئے جانے والے کئی میزائلوں کو فضاء میں ہی تباہ کر دیا جس کے بعد دھماکوں کی آوازیں سنائی دیں۔

اس رپورٹ کے مطابق دشمن، لاذقیہ کے الحفہ اور طرطوس کے مصیاف علاقوں کو نشانہ بنا چاہتا تھا۔

واضح رہے کہ صیہونی حکومت، دہشت گردوں کی حمایت و مدد کے لئے شام کے فوجی اڈوں اور اس کی بنیادی تنصیبات کو نشانہ بناتی رہتی ہے ۔

شام کا بحران 2011 میں اس ملک پر سعودی عرب ، امریکہ اور اس کے حمایت یافتہ دہشت گرد گروہوں کے بڑے پیمانے پر حملے سے شروع ہوا ۔

شام پر اس یلغار کا مقصد علاقے کے حالات کو صیہونی حکومت کے حق میں تبدیل کرنا ہے ۔ شامی فوج نے ابھی حال ہی میں ایران کی فوجی مشاورت اور روس کی حمایت سے داعش دہشت گردوں کو ذلت آمیز شکست سے دوچار کیا ہے ۔

یہ بھی پڑھیں : عراق میں دہشت گردی منصوبہ ناکام، بغداد سے 1 ٹن دھماکہ خیز مواد برآمد

دوسری جانب شام کے صدر بشار الاسد نے ایک حکم نامہ جاری کیا جس نے جرائم کا ارتکاب کرنے اور مخالفت کرنے والوں کو معاف کردیا۔

آر ٹی نیوز ایجنسی کی رپورٹ کے مطابق ، شام کے صدر بشار الاسد نے ایک حکم نامہ جاری کرتے ہوئے 2 مئی سے قبل مخالفت اور جرائم کا ارتکاب کرنے والوں کی معافی کا حکم دیا ہے۔

رپورٹ کے مطابق اس فرمان میں مجرمانہ مقدمات میں مکمل معافی ، اندرونی اور غیر ملکی مقدمات میں فرار ، عارضی مجرمانہ جرمانے اور متعدد دیگر جرائم شامل ہیں، اس حکم نامے میں مجرمانہ مقدمات میں رشوت یا جعلسازی جیسے مجرمانہ معاملات میں مقرر کی جانے والے سزا کو کم کرکے دو تہائی تک کرنے کا حکم دیا گیا ہے، اور دیگر مجرمانہ مقدمات میں عارضی سزا ، غیر معمولی مقدمات کے علاوہ ،منشیات کی اسمگلنگ میں ایک تہائی سزا کا حکم دیا گیا ہے۔

اس حکم نامے میں سزائے موت کو سخت مشقت کے ساتھ عمر قید اور جبری مشقت کے ساتھ عمر قید کے لئے 20 سال کے لئے عارضی سخت مشقت تک کم کر دیا گیا ہے بشرطیکہ متاثرہ شخص اپنے ذاتی حقوق معاف کردے۔