یمن میں پےدرپےشکست،سعودی ولی عہد بن سلمان نے ایران کے آگے گھٹنےٹیک دیئے

شیعیت نیوز: یمن میں بے گناہ نہتے مسلمانوں پر بہیمانہ مظالم، بم باری اور فوج کشی کے باوجود پے در پے شکستوں کا سامناکرنے والے سعودی ولی عہد محمد بن سلمان نے ایران کے آگے گھٹنے ٹیک دیئے ہیں ، سعودی ولی عہد محمد بن سلمان نے کہا ہے کہ ایران ایک ہمسایہ ملک ہے اور ہم سب ایران کے ساتھ اچھے اور خصوصی تعلقات کے خواہش رکھتے ہیں۔

یہ بھی پڑھیں: پاکستان پیپلز پارٹی کے وفد کا پاراچنار میں شیعہ لاپتہ عزاداروں کی بازیابی کیلئے قائم احتجاجی کیمپ میں اظہار یکجہتی

العربیہ ٹیلی ویژن کو دیئے گئے انٹرویو میں ولی عہد محمد بن سلمان نے ایران کے ساتھ اچھے تعلقات قائم ہونے کی امید ظاہر کرتے ہوئے کہا کہ ایران کے ساتھ تعلقات خراب کرنا نہیں چاہتے بلکہ ہماری خواہش ہے کہ ایران ترقی کرے۔ ہمارے مفادات ایران سے اور ایران کے سعودی عرب سے وابستہ ہیں، دو طرفہ بہتر تعلقات کو فروغ دیکر ہم خطے کو ترقی اور خوشحالی کی راہ پر گامزن کرسکتے ہیں۔

یہ بھی پڑھیں: ریاست ہے یا جنگل ؟؟؟ڈیرہ اسماعیل خان سےایک اور شیعہ صحافی جبری طور پر لاپتہ

اپنے انٹرویو میں محمد بن سلمان نے ایران کے جوہری پروگرام اور بیلسٹک میزائلوں کی تیاری پر تنقید بھی کی اور یمنی حوثیوں کی مدد کا الزام بھی ایران پر عائد کیا۔ ولی عہد نے سعودی سرحدوں پر مسلح جنگجوؤں کی موجودگی کو ملکی سلامتی کے لیے خطرہ بھی قرار دیا اور حوثیوں کو ایک بار پھر مذاکرات کی دعوت بھی دی۔