علی لاریجانی کی شہادت، امتِ مسلمہ کے لیے بڑا نقصان ہے: جعفریہ الائنس

شیعیت نیوز : جعفریہ الائنس کے ترجمان نے علی لاریجانی کی شہادت پر گہرے دکھ اور افسوس کا اظہار کرتے ہوئے امتِ مسلمہ سے تعزیت کی ہے۔

ترجمان کے مطابق علی لاریجانی صہیونی طاقتوں کے خلاف ڈٹ کر لڑتے ہوئے شہادت کے عظیم رتبے پر فائز ہوئے۔

انہوں نے کہا کہ علی لاریجانی کی شہادت نہ صرف ایران بلکہ پوری امتِ مسلمہ کے لیے ایک بڑا نقصان ہے، تاہم یہ قربانی انقلابِ اسلامی کو مزید طاقتور بنائے گی اور مزاحمت کے جذبے کو نئی قوت دے گی۔

یہ بھی پڑھیں : شہید علی لاریجانی کی آخری صدا، امتِ مسلمہ کے نام ایک دردناک پیغام

ترجمان جعفریہ الائنس کا کہنا تھا کہ علی لاریجانی نے اپنی زندگی کے آخری لمحات میں سوشل میڈیا پلیٹ فارم X (Twitter) پر امام حسین کی شہادت سے متعلق قول کو دہرایا، جو ان کے عزم اور نظریاتی وابستگی کا واضح ثبوت ہے۔

جعفریہ الائنس کے سیکریٹری اطلاعات احسن مہدی کے مطابق، علی لاریجانی کی شہادت ایک عظیم مثال ہے جو آنے والی نسلوں کو ظلم کے خلاف کھڑے ہونے کا حوصلہ دے گی۔

انہوں نے کہا کہ ایسی قربانیاں تاریخ میں ہمیشہ زندہ رہتی ہیں اور حق و باطل کی جنگ میں سچائی کی فتح کا پیش خیمہ بنتی ہیں۔