فرانس میں انتہاپسندوں نے دو مساجد کو آگ لگا دی

شیعیت نیوز: فرانس میں مساجد کی حفاظت کی ذمہ داری لینے کے میکرون حکومت کے دعوؤں کی قلعی کھل گئی۔

فرانس میں اسلام دشمنی بڑھتی جا رہی ہے، فرانس کے 2 شہروں میں انتہا پسندوں نے 2 مساجد کو آگ لگا دی، جس سے مساجد کے دروازے اور دیواروں کو نقصان پہنچا ہے۔

غیر ملکی میڈیا رپورٹس کے مطابق فرانس کے شہر نینتز اور رینیز میں انتہا پسندوں نے رات کی تاریکی میں مسجد پر آتش گیر مادہ پھینکا اور پھر اسے آگ لگا دی۔

مسجد کے تینوں داخلی دروازے اور اندرونی دیواریں آگ لگنے سے خراب ہو گئیں، مسجد کی دیواروں پر اسلام مخالف نعرے بھی درج کئے گئے، مقامی مسلمان اس طرح کے واقعات کو فرانسیسی حکام کے بیانات سے مربوط سمجھوتے ہیں۔

فرانسیسی وزیر داخلہ جیرالڈ درمانن اور میئر جوہینا رولینڈ نے فرانس میں مساجدپر حملوں کی سخت مذمت کرتے ہوئے کہا کہ مذہبی عبادات کی آزادی جمہوریہ فرانس کا ایک بنیادی قانون ہے۔

مقامی مسلمان تنظیموں کو یقین دہانی کروائی ہے کہ شرپسند عناصر کے خلاف سخت کارروائی کی جائے گی۔

خیال رہے کہ فرانس کے صدر ایمانویل میکرون کے اسلام مخالف بیانات اور پالیسیوں سے انتہا پسندوں کی سرگرمیاں بڑھتی جا رہی ہیں۔

یہ بھی پڑھیں : بحرین کے مظاہرین کا سیاسی قیدیوں سے اعلان یکجہتی

دوسری جانب پولیس ذرائع کا کہنا ہے کہ یہ دہشت گردی کا نہیں بلکہ بظاہرذاتی دشمنی کا نتیجہ دکھائی دیتا ہے۔

اطلاعات کے مطابق فائرنگ کا یہ واقعہ پیرس کے ایک ہسپتال میں پیش آیا جس کے نتیجے میں ایک شخص ہلاک اور ایک خاتون زخمی ہو گئی ۔

مقامی میڈیا کے مطابق فائرنگ کے واقعے کے بعد حملہ آور موٹرسائیکل پر فرار ہونے میں کامیاب ہوگیا۔ میڈیا نے پولیس ذرائع کے حوالے سے بتایا ہے کہ فائرنگ یہ واقعہ دہشت گردی نہیں بلکہ بظاہر ٹارگٹ کلنگ ہے۔

اس واقعے سے متعلق دیگر تفصیلات سامنے نہیں آسکی ہیں۔