لاہور، تمام مسالک کے علماءومشائخ کی جانب سے انقلاب اسلامی کی 42ویں سالگرہ پر قونصلیٹ جنرل کو مبارک باد

شیعیت نیوز: کُل مسالک علما و مشائخ کے چیئرمین مفتی سید عاشق حسین کی سربراہی میں تمام مسالک کے علماءومشائخ  پر مشتمل وفد نے ایرانی قونصلیٹ لاہور میں ایران کے قونصل جنرل محمد رضا ناظری سے ملاقات کی اور انقلاب اسلامی ایران کی 42 ویں سالگرہ پر اپنے اور پاکستانی قوم کی طرف سے مبارکباد پیش کی اور قونصل جنرل ایران کو گلدستے پیش کئے۔

یہ بھی پڑھیں: ایران کا اسلامی انقلاب غیر ملکی حمایت کے بغیر ایک دیسی تحریک تھی، محترمہ فرحت آصف

اس موقع پر مفتی سید عاشق حسین کا کہنا تھا کہ ہم پانچوں فقہ کی طرف سے ایک ساتھ یہاں حاضر ہونا اور انقلاب اسلامی کی مبارکباد دینا ہمارے متحد ہونے کا واضح ثبوت ہے۔

یہ بھی پڑھیں: انقلاب اسلامی کے محافظوں نے اسے پہلے سے زیادہ مضبوط کر دیا ہے،آغا نقی ہاشمی

انہوں نے کہا کہ پاکستان اور ایران کا ہمیشہ ہمیشہ کا ساتھ ہے، اس وقت 57 اسلامی ممالک میں سے صرف دو ریاستیں پاکستان اور ایران رہ گئی ہیں اور صرف پاکستان اور ایران ہی دونوں ممالک ہیں جو اسلامی بنیادی نظریے پر قائم ہوئی ہیں۔