ایران ہر خطرے کا مقابلہ کرنے کے لئے تیار ہیں، میجر جنرل محمد باقری
شیعیت نیوز:ایران کی مسلح افواج کے چیف آف اسٹاف میجر جنرل محمد باقری نے خطے میں دشمنوں کی فوجی نقل و حرکت کی طرف اشارہ کرتے ہوئے کہا کہ ایران ہر خطرے کا مقابلہ کرنے کے لئے تیارہے۔
ایران کی مسلح افواج کے چیف آف اسٹاف میجر جنرل محمد باقری نے پہلی بڑی ڈرون جنگی مشقوں کا معائنہ کرتے ہوئے کہا کہ اسلامی جمہوریہ ایران کی مسلح افواج کی چاروں یونٹوں نے دفاعی ساز و سامان کی ساخت میں اہم کردار ادا کیا ہے اور ایران آج خطے میں ہر خطرے کا مقابلہ کرنے کے لئے آمادہ ہے۔
یہ بھی پڑھیں : شام تک کی مہلت دیتے ہیں ورنہ پورا ملک جام ہوجائے گا، علامہ شہنشاہ نقوی کا عمران خان کو پیغام
ایران کی مسلح افواج کے چیف آف اسٹاف نے ڈرون شعبہ میں ایرانی فوج کی حیرت انگیر کامیابیوں کی طرف اشارہ کرتے ہوئے کہا کہ آج ایرانی فوج دفاعی ساز و سامان کی ساخت کے حوالے سے اپنے پاؤں پر کھڑی ہے اور ایران کی مسلح افواج آج دنیا کے پیشرفتہ ترین ہتھیار تیار کررہی ہے۔انھوں نے کہا کہ ہم دشمن کا بھر پور مقابلہ کرنے کے لئے آمادہ ہیں۔
ایران کی مسلح افواج کے چیف نے مزید کہا ہے کہ دشمن کی جانب سے کی جانے والی معمولی سی غلطی کا بھی ایرانی فوج انتہائی دنداں شکن جواب دے گی۔
انھوں نے کہا کہ ایران کی مسلح افواج ڈرون طیاروں کے میدان میں ایک اعلی اور قابل قدر مقام پر پہنچ چکی ہیں اور ایران کی مسلح افواج کے ڈرون طیاروں کی مشقوں اور اسی طرح کی دیگر فوجی مشقوں سے، جو حالیہ دنوں میں خلیج فارس میں کی گئی ہیں، پتہ چلتا کہ ایران کی فوج ہر قسم کے چیلنج کا مقابلہ کرنے کے لیے تیار ہے۔
یہ بھی پڑھیں : شہید کمانڈرز کی پہلی برسی پر ’’زینب سلیمانی‘‘ کا فلسطینی قوم کے نام خصوصی پیغام
میجر جنرل محمد باقری نے مغربی ایشیا کی صورتحال کے بارے میں کہا کہ حالیہ دنوں میں امریکہ کی دہشت گرد اور مجرم فوج کی جانب سے خطے میں کچھ سرگرمیاں انجام دی گئیں اور اس کا مقصد طاقت کا مظاہرہ کرنا اور خوف پیدا کرنا تھا۔
انھوں نے واضح کیا کہ ایران کا کسی بھی ہمسایہ ملک کے خلاف جارحیت کا کوئی ارادہ نہیں ہے لیکن وہ ہر خطرے اور چیلنج کا جواب دینے کے لیے پوری طرح تیار ہے۔
میجر جنرل باقری نے کہا کہ مسلح افواج کی انگلیاں ٹریگر پر ہیں اور اگر دشمن نے معمولی سی بھی غلطی کی تو یقینی طور پر ایرانی فوج کا جواب انتہائی سخت ہوگا۔
