یمنی مجاہدین کی کاروائی، سعودی عرب کا ایک اور ڈرون تباہ کردیا

شیعیت نیوز : یمنی مجاہدین نے اپنے ملک پر حملہ آور سعودی عرب اور اتحادی افواج کا ایک اور ڈرون طیارہ مار گرایا ہے۔

تفصیلات کے مطابق یمنی فورسز نے صوبہ مآرب میں سعودی عرب کے فوجی اتحادکے ڈرون طیارے کو تباہ کردیا ہے۔

یہ خبر بھی پڑھیں یمنی مجاہدین کی سعودی فوجی اڈوں پربمباری، بڑے پیمانے پر جنگی سامان تباہ

یمنی فوج کے ترجمان یحیی سریع کا کہنا ہے کہ سعودی عرب کی سرپرستی میں قائم فوجی اتحاد کے چین کے ساختہ سی ایچ 4 نامی ڈرون کو یمنی فوج نے صوبہ مآرب میں تباہ کردیا ہے۔

اس ڈرون کے پر18 مٹرلمبے ہیں اور یہ ڈرون 5 ہزار سے 7 ہزار مٹر کی بلندی تک پرواز کرسکتا ہے۔

یحیی سریع کا کہنا ہے کہ سعودی عرب کے فوجی اتحاد کو یمن میں شکست اور ناکامی کے علاوہ کچھ نہیں ملےگا۔

واضح رہے کہ سعودی عرب کی قیادت میں دس ممالک نے یمن پر جنگ مسلط کررکھی ہے جن میں امریکہ، اسرائیل،سوڈان، امارات اور بحرین شامل ہیں۔