یمنی مجاہدین کی سعودی فوجی اڈوں پربمباری، بڑے پیمانے پر جنگی سامان تباہ

شیعیت نیوز : سعودی عرب کے شہر جیزان پر یمنی حوثی مجاہدین کی جانب سےسعودی فوجی اڈوں پر گولا باری کی گئی ہے تاہم حملے کے نتیجے میں کسی جانی نقصان کی کوئی اطلاع نہیں ملی۔

سعودی شہری دفاع کے ترجمان کرنل محمد بن یحییٰ الغامدی نے حوثیوں کی جانب سے حملے کا اعتراف کرتے ہوئے دعوی کیا ہے کہ حوثی مجاہدین نے شہر جيزان کے نواحی علاقے میں گولا باری کی تاہم کسی قسم کا کوئی جانی نقصان نہيں ہوا۔

یہ خبر بھی پڑھیں لاپتہ عزاداروں کی عدم بازیابی ، اہل خانہ نے پارلیمنٹ ہاؤس جانےکا اعلان کردیا

واضح رہے کہ یمن کے خلاف امریکہ اور صیہونی حکومت کی نیابتی جنگ میں سعودی سربراہی میں قائم اتحادی افواج کے حملوں کا سلسلہ 4 سال سے جاری ہے تاہم اس کے باوجود یمنیوں کے حوصلے پست نہیں ہوئے ہيں اور اب ان کے جوابی حملوں میں شدت آتی جارہی ہے۔

عرب میڈیا کے مطابق یمنی عوامی تحریک انصاراللہ سے وابستہ رضا کار فورسز کے جوان سعودی عرب کے فوجی ٹھکانوں پر میزائل اور ڈرونز حملے بھی کر رہے ہیں۔