سید خادم حسین رضوی اصغریہ علم و عمل تحریک پاکستان کے 5ویں مرکزی صدر منتخب ہوگئے
مرکزی مجلس عمومی میں سال ’فکر اصلاح 19-2020ء‘ کیلئے نئے مرکزی صدر کا انتخاب عمل میں لایا گیا
شیعیت نیوز: اصغریہ علم و عمل تحریک پاکستان کی 5ویں سالانہ مرکزی مجلس عمومی اندرون سندھ کے شہر دادو میں منعقد ہوئی،جس میں سید خادم حسین رضوی اصغریہ علم و عمل تحریک پاکستان کے 5ویں مرکزی صدر منتخب ہوگئے۔
اجلاس میں کراچی، حیدرآباد، میرپورخاص، مٹیاری، نوابشاہ، نوشہروفیروز، خیرپورمیرس، سکھر، گھوٹکی، شکارپور، جیکب آباد، شہدادکوٹ، لاڑکانہ، کے این شاہ، دادو، جامشورو سمیت دیگر شہروں سے مجلس عمومی کے اراکین نے بھرپور شرکت کی۔
یہ بھی پڑھیں: حسن علی سجادی کثرت رائے سے اصغریہ اسٹوڈنٹس آرگنائزیشن پاکستان کے نئے مرکزی صدر منتخب
مرکزی مجلس عمومی میں سال ’فکر اصلاح 19-2020ء‘ کیلئے نئے مرکزی صدر کا انتخاب عمل میں لایا گیا، جس میں تمام اراکینِ مجلس عمومی نے ووٹ کے ذریعے حصہ لیا، جس میں اکثریت رائے سے سید خادم حسین رضوی نئے سال کے مرکزی صدر منتخب ہوگئے۔
یہ بھی پڑھیں: بار ایسوسی ایشن میرپورآزاد کشمیر کا انتہا پسندانہ اقدام، 5 شیعہ وکلاء کی بار کی رکنیت معطل کردی
نئے مرکزی صدر کا اعلان چیئرمین تحریک انجینئرسید حسین موسوی نے کیا، کارکنان نے بھرپور انداز میں نئے مرکزی صدر کا استقبال کرتے ہوئے اسٹیج تک پہنچایا، جس کے بعد نئے مرکزی صدر سے علامہ باقر نجفی نے حلف لیا۔ اس موقع پر نومنتخب مرکزی صدر نے خطاب کرتے ہوئے اپنی کابینہ کا اعلان کیا۔
