9نومبر، شہید سعید حیدر زیدی کو بچھڑے آٹھ سال بیت گئے
شیعت نیوز: 9 نومبر یوم شہادت سرمایہ ملت جعفریہ شہید سعید حیدر زیدی، آج شہید سعید زیدی کو ہم سے بچھڑےآٹھ سال بیت گئے۔
9 نومبر 2012کا دن ملت جعفریہ کے لئے انتہائی دکھ و قرب کا دن ثابت ہوا جب بعد نماز مغربین یہ اطلاع موصول ہوئی ہے کراچی کے علاقہ کریم آباد پر کالعدم تکفیری دہشت گردوں نے سرمایہ ملت شہید سعید حیدر زیدی کو فائرنگ کرکے شہید کردیا ہے۔
یہ بھی پڑھیں : دنیا بھر کے مظلومین و مستعضفین جسمِ واحد کی طرح ہیں،مرکزی صدر آئی ایس او
شیعت نیوز کی رپورٹ کے مطابق دہشت گردوں نے 9 نومبر 2012 کو سعید حیدر زیدی کو کریم آباد کے علاقہ میں شہید کردیا تھا، سعید زید ی کی شہادت کے وقت ان کی اہلیہ بھی ان کے ہمراہ تھیں، ان کے مطابق عقب سے دہشت گردوں نے سعید حیدر زیدی کے سر میں گولی ماری تھی۔
شہید سعید زیدی اولڈ رضویہ کے رہائشی اور معروف دانشور تھے، استاد شہید مطہری کی کئی کتابوں کا ترجمہ بھی آپ نے خود کیا تھا جبکہ بے شمار کتابوں کے مصنف بھی تھے۔ اس مد میں انہوں نے دینی کتاب کی اشاعت و ترجمعہ کے لئے ایک ادارہ دارلثقلین کے نام سے بنایا ہوا تھا۔
شہید سعید زید ی امامیہ اسٹوڈنٹس آرگنائزیشن پاکستان کراچی ڈویژن کی ذیلی نظار ت کے رکن ہونے کے ساتھ ساتھ بہت سی ملی تنظیموں کی راہنمائی اور تربیتی امور میں پیش پیش رہتے تھے۔
آج بھی شہید سعید حیدر زیدی کی کتب اور تالیفات ملت جعفریہ کے جوانوں کی علمی پیاس بجھانے کا ایک ذریعہ ہیں۔
